.png)
Jaguar ka prezantuar Type 01, modelin e saj të ri tërësisht elektrik, dy vjet pas ribrandimit kontrovers që shkaktoi reagime të forta dhe akuza se marka po bëhej “woke”.
Type 01 është një Grand Tourer luksoz me katër dyer, me një dizajn që rikthen disa elemente të ikonës E-Type të viteve ’60. Çmimi nis nga 130 mijë paund në Britani dhe 130,500 dollarë në SHBA.
Makina ofron rreth 1,000 kuaj fuqi, përshpejton nga 0 në 100 km/h për vetëm 3.2 sekonda dhe, sipas Jaguar, ka një autonomi deri në 515 kilometra në shpejtësi të qëndrueshme në autostradë.
Megjithatë, dizajni ka ndarë opinionin. Disa e kanë krahasuar me një kombinim mes Tesla Cybertruck dhe Bentley Continental, ndërsa të tjerë e kanë cilësuar si një makinë moderne dhe të guximshme.
Prezantimi vjen pas polemikave të mëdha të vitit 2024, kur Jaguar publikoi një fushatë reklamuese pa makina, me modele të veshura me kostume shumëngjyrëshe dhe prezantoi një logo të re. Fushata u kritikua ashpër në rrjetet sociale dhe u shndërrua në një debat rreth identitetit të ri të markës.
JLR ka investuar 15 miliardë paund në teknologji dhe modele të reja, ndërsa Type 01 pritet të jetë i pari nga tre modelet e reja elektrike të Jaguar.
Ekspertët e industrisë e shohin këtë transformim si një moment vendimtar për markën britanike, e cila vitet e fundit ka humbur terren përballë rivalëve luksozë si Audi dhe BMW.
“Është vërtet hedhja e fundit e zareve,” tha gazetari Steve Fowler, duke iu referuar përpjekjes së Jaguar për të rikthyer veten në tregun e makinave luksoze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje