Maska gjatë stërvitjes intensive është e sigurtë

Studiuesit italianë testuan aftësinë e frymëmarrjes, aktivitetin e zemrës dhe performancën e ushtrimeve në një grup prej 12 personash të shëndetshëm ndërsa ata ishin duke përdorur një biçikletë stërvitjeje me dhe pa maskë të vendosur.

Megjithëse ekspertët gjetën ndryshime në disa matje midis mbajtjes së maskës dhe mos mbajtjes së maskës, nuk kishte shenja që të tregonin se mbajtja e maskës gjatë stërvitjes paraqet ndonjë rrezik për shëndetin.

“Përdorimi i maskës gjatë stërvitjes shkakton ‘siklet në frymëmarrje’, por për njerëzit me shëndet të plotë përdorimi i tyre është i sigurt edhe gjatë ushtrimeve maksimale”, thonë autorët.

Duhet të theksohet se ata testuan vetëm njerëz të shëndetshëm dhe kushdo me probleme të frymëmarrjes nuk duhet të kombinojë ushtrimet me mbajtjen e një maske në fytyrë.

Pavarësisht nga konkluzionet e tyre, Organizata Botërore e Shëndetësisë (OBSH) thekson se askush, i shëndetshëm ose ndryshe, nuk duhet të vendosë maskë kur ushtron.

Studimi i ri tregon se maskat mund ti vendosin dhe ato që duan të shkojnë në palestër pasi janë të sigurta për të zvogëluar transmetimin e Covid-19 dhe nuk ndikojnë në performancë.

Një autor i studimit tha se është e mundur që frymëmarrja më e vështirë gjatë stërvitjes mund të lehtësojë transmetimin, veçanërisht brenda.

“Ne e dimë që rruga kryesore e transmetimit të koronavirusit është përmes piklave dhe këto përhapen më shumë kur është frymëmarrja e shpejtuar”, tha autorja e studimit Elisabetta Salvioni nga Klinika Kardiologjike “Monzino”, Milano, Itali.

Ajo thotë se studimi tregon se mbajtja e një maske mund të ndihmojë në parandalimin e përhapjes së virusit.

Sidoqoftë, ajo thorë se ekziston një besim i përgjithshëm se “përdorimi i maskave shoqërohet me një siklet në fryëmarrje gjatë stërvitjes dhe nevojën e një përpjekjeje më të madhe të frymëmarrjes edhe në pushim”.

Për të mësuar më shumë, ekipi punoi me një grup vullnetarësh të shëndetshëm të përbërë nga gjashtë gra dhe gjashtë burra me një moshë mesatare 40.

Secili person mori pjesë në tre raunde të testeve, një herë ndërsa nuk kishte vendosur maskë dhe një tjetër ndërsa kishte një maskë blu, kirurgjikale. Për provën e tretë, pjesëmarrësit kishin një maskë me filtrim.

Ndërsa vullnetarët përdorën një biçikletë, studiuesit matën frymëmarrjen, rrahjet e zemrës, presionin e gjakut dhe nivelet e oksigjenit në gjakun e tyre.

Rezultatet e testeve treguan se mbajtja e një maske në fytyrë kishte një efekt të vogël te vullnetarët.

Për shembull, kishte një ulje mesatare prej rreth 10 përqind të aftësisë së tyre për të kryer ushtrime aerobike.

Sipas autorëve të studimit, kjo ulje ishte ndoshta për shkak se ishte pak më e vështirë për vullnetarët që të merrnin frymë brenda dhe jashtë maskave.

“Kjo ulje është modeste dhe, ç’është më e rëndësishmja, nuk tregon një rrezik për njerëzit e shëndetshëm që bëjnë stërvitje me një maskë”, tha Mapelli.

Burimi: Daily Mail. Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.