Komiteti Olimpik i shtetit të Gjirit deklaroi që ka paraqitur një kërkesë pranë Komitetit Olimpik Ndërkombëtar (IOC) për t’u bashkuar në fazën e “dialogut të vazhdueshëm” rreth organizimit së Lojërave të ardhshme.
Katari i pasur me naftë është gjithnjë e më i interesuar të organizojë ngjarje të mëdha sportive, dhe ka nisur të organizojë disa evente madhore kohët e fundit, përfshi edhe botërorin e atletikës një vit më parë, megjithëse temperaturat e larta kanë shkaktuar ankth në botën e sportit.
“Ne po fitojmë nga viti në vit më shumë përvojë në organizimin e eventeve të mëdha në sport. Jemi duke hedhur bazat për organizimin e një Olimpiade”, tha sheiku Joann bin Hamad bin Khalifa al-Thani, presidenti i Komitetit Olimpik të Katarit.
Lojërat Olimpike nuk janë zhvilluar kurrë në Lindjen e Mesme dhe do të jetë hera e parë në historinë e olimpizmit që një shtet arab organizon një event të tillë. Katari ka investuar miliarda dollarë për Kupën e Botës së Futbollit 2022. Sidoqoftë, grupet e të drejtave të njeriut kanë kritikuar trajtimin e punëtorëve emigrantë. Qeveria e Katarit ka thënë se nuk e toleron trajtimin e paskrupull të punëtorëve.
Disa vende të tjera kanë shprehur interes për Lojërat Olimpike Verore të vitit 2032 përfshirë Indonezinë, Australinë, Indinë dhe Gjermaninë, ndër të tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
