116 efektivë të rinj janë betuar sot në Bunavi duke iu shtuar Forcave të Armatosura të Shqipërisë.
Ministrja e Mbrojtjes, Olta Xhaçka, shprehet se ripërtëritja e trupave është një cikël i zakonshëm në FA, por efektivët e rinj i përgëzoi për vullnetin dhe sakrificën në këto kohë pandemie.
“116 vajza dhe djem u betuan në Bunavi si ushtarët më të rinj të Forcave të Armatosura të Shqipërisë.
Ripërtëritja e trupave është një cikël i zakonshëm në FA, por kësaj radhe dua t’i përgëzoj posaçërisht ushtarët e rinj për vullnetin dhe sakrificën e jashtëzakonshme në këto kohë pandemie.
Stërvitja në Shkollën e Trupës nuk ishte aspak si herët e tjera dhe për këtë përgëzoj edhe instruktorët të cilëve iu desh të përshtateshin me kufizimet e COVID-19”, shprehet ministrja Xhaçka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
