Ministri grek i Turizmit, Charis Theocharis, deklaroi të premten se shtatë pikat kufitare tokësore greke do të hapen më datë 1 korrik dhe jo më 15 qershor për turistët siç ishte deklaruar më parë.
Ky vendim vlen për vendet e Ballkanit Perëndimor.
Ministri grek theksoi se “plani ynë është i plotë dhe ne kemi bërë ushtrime të gatishmërisë operacionale”.
Theocharis njoftoi një masë të rëndësishme që do të merret ndaj çdo turisti që do të futet në Greqi. “Testet e marrjes së mostrave do të kryhen në aeroportet, ndërsa kufizimi i turistëve do të bëhet në një hotel, derisa udhëtari të marrë përgjigjen e rezultateve. Kurse për një udhëtar që rezulton pozitivë me COVID-19 është vendosur karantinimi me 14 ditë”.
Personat që kanë leje qëndrimi nuk bëjnë pjesë në këtë vendim.
Ata do të lejohen të hyjnë në Greqi sipas procedurave të mirëpërcaktuara më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
