Të kujdesesh për flokët në ditët e sotme është shumë më e thjeshtë se më parë. Kjo edhe falë shumëllojshmërisë së produkteve që gjenden në treg.
Por pavarësisht kësaj, duket sikur femrat nuk gjejnë asnjëherë qetësi përsa i përket flokëve. Do të ketë gjithmonë diçka që shkon keq: flokë të djegur, maja dyshe që këputen, flokë të thatë dhe që elektrizohen sa hap e mbyll sytë.
Nëse jeni lodhur nga produktet agresive, përdorni një trajtim shumë interesant që do të ndryshojë një herë e përgjithmonë gjendjen e flokëve tuaj.
Sapo kemi lënë pas një sezon që nuk ka qenë shumë i favorshëm për flokët. Dhe për këtë arsye ju duhet një trajtim i mirë për të pastruar skrapin e flokëve dhe trajtimi më i mirë është scrub-i. Një mënyrë natyrale është esfolianti me limon dhe vaj kokosi, i cili pastron lëkurën e kokës, e hidraton dhe u jep shkëlqim flokëve.
Çfarë të nevojitet:
1 lugë gjelle vaj kokosi (e gjen në farmaci dhe në dyqanet me produkte kozmetike)
1 lugë gjelle lëng limoni
Në një shishe të vogël, përziej vajin e kokosin me lëngun e limonit. Më pas, duke përdorur një pambuk të pastër, lyej lëkurën e kokës duke bërë edhe pak masazh me mollëzat e gishtave. Lëre trajtimin për 15 minuta dhe pastaj laje kokën si zakonisht me shampo kundër yndyrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
