.png)
Gazeta Si - Avokati Genc Gjokutaj, përfaqësues ligjor i muxhahedinëve, thotë se personi i cili ka humbur jetën brenda kampit të MEK në Manzë, ka shenja dhune në trup.
“Pretendohet se është përdorur dhunë, fakti është që është përdorur gaz lotsjellës dhe shkopinj gome. Rezultati i këtij aksioni është një i vdekur, i cili mendojmë që ka vdekur nga gazi dhe goditet. Dukshëm panja e tij me hematoma. Ka ardhur prokuroria për të bërë këqyrjen”, tha ai në një deklaratë për mediat pas largimit të policisë nga kampi.
Sipas tij, policia nuk ka kryer asnjë arrestim, çka tregon që nuk ka pasur dhunë. “Po ndjekim situatën por fakti është se këtu kemi një të vdekur dhe kjo është një vendngjarje. Policia nuk duhet të kishte mohuar, komentet t’i bënte më vonë”.
Pikërisht pas incidenteve të sotme, Ministria e Brendshme shqiptare, deklaroi se muxhahedinët kanë shkelur marrëveshjen në bazë të së cilës janë strehuar në vendin tonë.
Ndërkohë, ekspertët dhe prokurori Sokol Nishani kanë mbërritur në kampin MEK në Manzë të Durrësit dhe kanë hyrë në morgun ku ndodhet një trup i pajetë brenda spitalit të kampit.
Policia hasi në rezistencën e iranianëve, që kundërshtuan me forcë kontrollet në kompjuterët dhe pajisjet e tjera teknologjike.
Në mes të tensioneve, muxhahedinët deklaruan për mediat se ka një viktima dhe disa të plagosur në kamp. Pas largimit të policisë, ata vazhduan të protestonin, ndërsa akuzuan policinë se “u vrau vëllanë e tyre”.
Situata kaotike në kamp u krijua pas një operacioni kontrolli të policisë, të urdhëruar nga SPAK. Fillimisht banorët pretenduan se 2 persona kanë humbur jetën. Policia thotë se një person dyshohet se ka pësuar arrest kardiak, por nuk ka pasur shkëmbim zjarri mes palëve.
Rreziku për situata të tilla të rrezikshme në Manëz të Durrësit u paralajmëruan që në vitin 2013, kur qeveria e atëhershme pranoi ardhjen e anëtarëtë të parë opozitës iraniane në tokën shqiptare.
Grupi i fundit i tyre mbërriti në kampin Ashraf 3 në Manëz të Durrsit në vitin 2016. Shqipëria i mikpriti pas kërkesës së Shteteve të Bashkuara të Amerikës, pasi u rrezikohej jeta pasi rrëzimit Sadam Hyssein. Vendosja e tyre në Shqipëri u bë vetëm për qëllime humanitare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
