.png)
Doinita Jasmina më shkroi në Messenger dhe më ofroi kredi me shumë nga 5 mijë dollarë deri në 15 milionë dollarë. Kështu e nis rrëfimin e tij Valdet. L., i cili në bisedë e sipër u bind se kredia ishte një shans i mirë që ai të bëhej biznesmen.
“Gjatë bisedës ramë dakord që të aplikoja për një kredi prej 1 milionë dollar me rrethana lehtësuese dhe m’u bë e qartë se duhet të dërgoja të dhënat personale, numrin e telefonit, email, foto të kartës së identitetit dhe dokumente të tjera, të cilat i dërgova pa hezitim”, rrëfen Valdeti.
Për disa ditë, ky shtetas që më pas ju drejtua policisë së Tiranës duke dorëzuar kallzimin me numër 16723 nuk hyri në rrjetet sociale.
“E pata të pamundur të hapja adresën për shkak të një fatkeqësie familjare dhe pas disa ditësh pashë që kisha marrë shumë mesazhe në messenger dhe në WhatsApp të nisura nga një numër telefoni i huaj, – shton Valdeti.
Ai u alarmua më tej kur në lajme u informua nga njësia C mbi rastet e mashtrimeve që ndodhin online. “Individë të paidentifikuar përdorën të njëjtën formë atë të joshjes së fitimit të shpejtë dhe trajtimit preferencial dhe nëpërmjet mashtrimit kompjuterik me adresa false i kërkuan shumë të konsiderueshme edhe viktimës së radhës”, pohoi zyrtari i njësisë për hetimin e krimit kompjuterik për Gazetën Si. Pak orë mbasi u informua për rreziqet që i kanoseshin mbasi kishte i dorëzuar në mirëbesim një të panjohuri cdo gjë përrreth vetes, Valdeti u paraqit në policinë e përgjithshme të shtetit. “U frikësova dhe dhe nuk i ktheva për përgjigjje këtyre individëve - kujton 36 vjecari që më pas u tregon se u telefonua pa rreshtur nga numra të panjohur gjersa u detyrua që të ndryshohë edhe numrin e telefonit.
“Ky është një nga rastet e mashtrimeve kompjuterike, por është i veçantë mbasi viktimës i premtohet kredi lehtësuese. Më tipiket janë ato të ofrimit të trashëgimisë që ndonëse janë të njohura dhe të vjetra, vijojnë të shkaktojnë dëme”, shpjegon i njëjti burim që nuk ngurron të japë mesazhin për kujdes nga cdo qytetar e cdo shtetas që akseson jetën virtuale.
Së bashku me pandeminë bum mashtrimesh online.
Kompani të njohura kanë shtuar kërkesat e tyre duke porositur produktet online. Claudio Michelacci, 60 vjeç është nga Cezena, Itali dhe prej 1993 jeton në Shqipëri. Ai u ra viktimë në rrjetet online pasi në vijim të një komunikimi normal që kryhej mes palëve për porosi mallrash. “Në Shqipëri jam administrator i kompanisë Albania Construzioni group me qendër në ish kombinatin Josif Pashko - dëshmon në polici Michelacci. Adresa zyrtare e kompanisë sipas policisë shqiptare dyshohet se u hakerua dhe u kap nga piratët në rrjet që përdorën mashtrimin duke hakeruar bashkëbisedimin me kompaninë tjetër që kreu porosi për struktura metalike.
“Kam kohë që bashkëpunoj me një kompani franceze që kërkoi struktura metalike - denoncoi biznesmeni që komunikoi me ta në emailin e tyre zyrtar. Por në një nga përgjigjjet francezët janë shfaqur të habitur për shumën që kompania me seli në Tiranë kishte kërkuar, madje duke vënë në dispozicion edhe numrin e llogarisë me një numër të caktuar me adresë Is Bankasi, Instambul Turqi.
“Ky email kishte shkuar në datën 30 prill, - shpjegon zyrtari i policisë për gazetën Si nga një adresë e ngjashme me adresën e kompanisë dhe në të kërkoheshin 24 mijë euro e 500”. Policia bën me dije se mashtrimi kompjuterik është gjurmuar në kohë dhe francezët nuk e kanë përcjellë shumën e kërkuar nga piratët, ndërkohë që njësia c ka nisur hetimet.
“Është rasti më tipik i porosive online. Një tjetër shoqëri në Tiranë kallzon se porositi një ngarkesë me doreza pune dhe pavarësisht pagesës ngarkesa nuk mbërriti kurrë. Por rasti më tradicional është ai i mashtrimit për blerjet e automjeteve online. Ata që lundrojnë në dark web, krijojnë një si faqe dyfishe dhe teksa email shkruesi kujton se po i nis të dhënat tek komunikuesi i parë, ata realisht po i shkruajnë piratëve të cilët kanë defektuar komunikimin dhe orientojnë palën drejt kurthit. Mandej pagesa nuk kryhet asnjëherë në adresën e kompanisë me të cilën i mashtruari kujton se po komunikon, por në një llogari tjetër”, e shpjegoi me gjuhë të thjeshtë mekanizmin e mashtrimit kompjuterik eksperti i policisë.
Viti 2020 sipas policisë, por më tej edhe 2021 jo vetëm që kufizoi lëvizjet, por edhe mundësitë për të blerë. Ndaj qindra qytetarë ju drejtuan adresave online.
“Ishte një shqetësim edhe më herët mashtrimi tek blerjet online, por trendi u kuptua kryesisht tek shoqëri dhe kompani që nisën të porosisin on line për shkak të pandemisë si dhe tek denoncime qytetarësh që u orientuan së pari tek krimi ekonomiko financiar duke kërkuar ndihmë. Në vetvete bëhet fjalë për mashtrim komjuterik dhe në mjaft raste jemi të detyruar t’i pezullojmë hetimet derisa të huajt të kthejnë përgjigjje, mbasi mashtrimi ndodh nga piratë ndërkombëtare”, thotë eksperti i policisë për gazetën Si.
Edhe trafik online?
Instituti kombëtar i regjistrimt të trashëgimisë kukturore me seli në Tiranë ju drejtua policisë së shtetit me alarmin se trafikantët po ekspozonin në dark ëebe vepra të antikitetit me qëllim për ti trafikuar. “Një kokë mermeri e dyshuar se i përket antikitetit është publikuar në një faqe në facebook dhe më tej nga një faqe që ekspozon arkeologjinë shqiptare”, – denoncoi në polici instituti.
Burimet e policisë i thanë gazetës "Si" se mes veprimeve të ngutshme hetimore ku u përshi edhe kqyrja e webeve të kallzuara, njëra prej të cilave e ka fshirë veprën, është pyetur edhe S.B, një zyrtare pranë këtij institute. Zyrtarja mësohet se deklaron në polici sipas të njëjtit burim se kërkoi ndihmën e policisë mbasi gjykoi që objekti arkeologjik është i një rëndësie të vecantë the një thesar kombetar dhe se rrezikon të trafikohet. Burimet e policisë shtojnë se nga kqyrjet e mëpasshme është zbuluar se gjatë verës në faqen në fjalë, një qytetar ka gjetur një kokë mermeri duke punuar tokën e tij. Në komentet e mëpashme i është kërkuar qytetarit që ta paraqitet menjëherë pranë institucioneve përgjegjëse apo në drejtorinë më të afërt rajonale të trashëgimisë kulturore aty ku qytetari kishte vendndodhjen më të afërt.
Të ndodhur në këto kushte njësia C bën me dije se ka kërkuar ndihmën e facebook për të identifikuar administratorin e faqes ku u krye njoftimi për kokën e mermerit, e cila është fshirë dhe për zbulimin e të cilës nuk ka asnjë gjurmë tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
