Italia rrezikon shumë të përjashtohet nga Lojërat Olimpike të Tokios. Komitetit Olimpik Ndërkombëtar pritet të marrë vendimin ekstrem deri të mërkurën, nëse situata nuk ndryshon. Vetëm një dekret i kryeministrit Konte, që do të zgjidhte autonominë e CONI-t (Komitetit Olimpik Kombëtar Italian), do ta shpëtonte Italinë nga ky turp.
Sportistë si Federika Pelegrini apo Gregoria Paltrinieiri, sa për të përmendur dy emra, në këtë situatë mund të garojnë në Olimpiadë, por pa himn dhe pa flamur, siç ka ndodhur me Bjellorusinë e Lukashenkos, apo me Rusinë e skandaleve të dopingut.
Do të ishte një turp botëror edhe para “Milano-Cortina 2026”, do të thotë se do të ketë pezullim të financimeve nga Komiteti Olimpik Ndërkombëtar për Italinë. Një situatë shumë delikate, që vetëm qeveria mund ta zhbllokojë në limitet e kohës, sepse në Lozanë është gjithçka gati për të ratifikuar përjashtimin e Italisë nga Olimpiada.
Një çështje politike e paprecedentë, duke ditur që dekreti për t’i dhënë autonomi CONI-t është gati, por nuk po aprovohet ende, duke sjellë këtë situatë ekstreme për sportin italian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
