.png)
Pavarësisht nga instinktet tuaja, t'i thuash fëmijës se mund të bëjë "çdo gjë" mund të jetë kundërproduktive.
"Ti mund të bësh çdo gjë", është pozitive, por është shumë e përgjithësuar," sipas Joanna North, psikoterapiste.
“Unë mendoj se ne duhet ta përshkruajmë atë në specifikat për fëmijët dhe të gjejmë shembuj praktikë për ta”, thotë ajo.
“E vërteta është se në fakt, ne kemi kufizime dhe një nga gjërat që duhet të bëjmë në jetë është të punojmë brenda kufizimeve tona,” shtoi ajo.
Teoria psikologjike tek fëmijët gjatë 50 viteve të fundit është fokusuar në rritjen e vetëvlerësimit të fëmijëve, thotë Emma Kenny, psikologe. Duke u thënë atyre "Ti mund të bësh gjithçka" mund t'i bëjë prindërit të ndihen sikur po krijojnë mundësi në jetën e fëmijës së tyre, në vend të kufizimeve, tha Kenny.
Prindërit mund ta përdorin frazën sepse ata “besojnë sinqerisht se fëmijët e tyre janë mrekulli”, tha ajo. Dhe me këtë vjen mendësia e "Ti mund të bësh gjithçka".
Kenny vuri në dukje teorinë e "vetë-efikasitetit", të zhvilluar nga psikologu kanadezo-amerikan Albert Bandura midis 1977 dhe 1997, i cili sugjeron se njerëzit që mendojnë se mund të bëjnë gjithçka kanë më shumë gjasa të marrin pjesë në një aktivitet dhe të vazhdojnë të përpiqen.
Por t'i thuash një fëmije se mund të bëjë "çdo gjë" është e paqartë, tha North.
“Ne mund t'i lëmë fëmijët tanë në rrugë nëse nuk jemi të kujdesshëm. "Ti mund të bësh gjithçka", mund të interpretohet si: "Unë në fakt nuk duhet të shqetësohem për asgjë sepse unë kam dhuntinë të bëj gjithçka”, thotë ajo, duke shtuar se realiteti është se njohja e kufijve në një farë mase nuk ka të bëjë me prishjen e ëndrrave.
“Bëhet fjalë për t'i ndihmuar të përqendrohen në fushat dhe elementët që bëjnë një ndryshim në jetën e tyre”.
Si ta frymëzoni fëmijën tuaj dhe t'i ndihmoni ata të mësojnë nga dështimi
Kur North punon me prindërit, ajo preferon të tërhiqet dhe të vërejë se çfarë pëlqejnë të bëjnë fëmijët.
“A janë vërtet të mirë në angazhimin fizik? Apo janë të mirë në muzikë? Vini re prirjet dhe motivimet e tyre dhe "çfarë i bën ata të lumtur", shtoi ajo.
North këshillon që t'i ndihmoni fëmijët të vërejnë se çfarë mësojnë duke provuar diçka dhe duke dështuar.
Nëse një fëmijë ka ëndrra të mëdha, ndihmojeni të kuptojë se arritja e tyre ka të ngjarë të nënkuptojë dështim gjatë rrugës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
