.png)
Të premten komisioni për reformën zgjedhore pritet të fillojë zyrtarisht punën.
Në funksion të kësaj reforme, OSBE-ja ka vetofruar ekspertizën e saj, duke filluar kontaktet e para zyrtare me dy bashkëkryetarët e komisionit për reformën, Damian Gjiknuri dhe Enkelejd Alibeaj.
Kryetarja në detyrë e OSBE në Shqipëri, Clarisse Pasztory, ka lajmëruar se sot do të zhvillojë një takim me kreun e grupit të PD-së Gazmend Bardhi.
LEXO EDHE:
- ‘Falënderoj SHBA dhe BE’/ Deklarata e Bashës për negociatat me PS dhe reagimi mohues i ndërkombëtarëve
- ‘Nga ndërhyrja te mbështetja’. Basha dredhon me një deklaratë të dytë pas reagimit të trupit diplomatik
Ky i fundit në emër të grupit ka kërkuar prej kohësh përfaqësimin në komision si palë zyrtare për të marrë bashkëdrejtimin, gjë që nuk ka gjasa të ndodhë sa kohë që në anën tjetër kryeministri Edi Rama është shprehur se i duhen edhe pak vota nga mazhoranca që ai ka për të arritur kuorumin e duhur për reformën.
Që do të thotë një shumicë ligjërisht korrekte dhe jo gjithepërfshirëse.
Nuk dihet nëse takimi i sotëm është kërkuar nga OSBE apo Bardhi, por negociatat për zgjedhjet kanë filluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
