.png)
Gazeta Si - Nëntë të arrestuar brenda një jave në Tiranë është bilanci i policisë për personat të cilët janë konstatuar se po drejtonin mjetin nën efektin e alkoolit apo drogës.
Policia Rrugore thotë se bëhet fjalë për drejtues automjetesh që kanë kryer shkelje të rregullave të ndryshme të qarkullimit rrugor.
“Gjatë javës që lamë pas janë arrestuar 9 shtetas për: Drejtim automjeti në gjendje të dehur apo në efektin e lëndëve narkotike; Shkelje të rregullave të ndryshme të qarkullimit rrugor”, u shpreh policia.
Po ashtu janë vënë mbi 6600 gjoba.
“356 për shpejtësi mbi normat e lejuara; 59 për përdorim të celularit gjatë drejtimit të mjetit; 6 për përdorim të xhamave të errësuar; 62 për mosdhënie përparësi këmbësorëve në vijat e bardha; 82 për mosvënie të rripit të sigurimit nga drejtuesit e automjeteve; 33 për mosvendosje të kaskës mbrojtëse nga drejtuesit e motomjeteve; 145 për parakalime të gabuara; 5314 për parkime të gabuara”, u shpreh policia.
Ndërkohë janë bllokuar 6 makina për detyrime të pashlyera, mungesë dokumentacioni dhe verifikime nga seksioni i trafiqeve të paligjshme në Policinë e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
