Pasi miratoi për përdorim emergjent vaksinën e firmës amerikane Pfizer, Mbretëria e Bashkuar u bë sot vendi i parë në botën perëndimore që do të nisë vaksinimin e popullsisë kundër Covid-19.
Kryeministri britanik Boris Xhonson njoftoi sot se ata që janë në azilet e të moshuarve do të jenë të parët që do të marrin vaksinën e re të koronavirusit. Komiteti i Përbashkët i Vaksinimit dhe Imunizimit (JCVI) i Britanisë azhurnoi sot listën e përparësive, pas miratimit të përdorimit të vaksinës.
Ministri i Shëndetësisë Matt Hancock shpjegoi se vaksinimi do të bëhet bazuar në nevojat klinike, në mënyrë që të sigurojë mbështetje për njerëzit që janë jashtëzakonisht të prekshëm nga Covid-19. Vaksinimi do të nisë paralelisht tek më të moshuarit dhe tek fëmijët e mitur. Ministria dhe Forcat e Armatosura në Mbretërinë e Bashkuar ndërkohë po fillojnë ndërtimin e njësive të lëvizshme vaksinimit në dhjetor.
Të dytët në radhë për t’u vaksinuar janë personat e moshës 80 vjeç e lart dhe të tretët mjekët. Të katërtit janë personat e moshës 75 vjeç e lart dhe fëmijët mbi 3 vjeç. Njerëzit e moshës 70 vjeç e lart, ata me sëmundje kronike janë të pestët në radhë.
- Më pas në radhë personat e moshës mbi 65 vjeç dhe fëmijët mbi 16 vjeç.
- Personat e moshës 60 vjeç.
- Të tjerët që do të vaksinohen janë personat e moshës 55 vjeç.
Të fundit janë njerëzit e moshës 50 vjeç e lart
Por si do të kërkohet që qytetarët të vaksinohen? Më shumë gjasa, qytetarëve do t'u kërkohet të paraqiten në qendrat e vaksinimit nëpërmjet letrave të dërguara dhe emaileve elektronike.
Ata më pas do të shkojnë ose tek mjeku i tyre i përgjithshëm , në një spital aty pranë ose në qendrat e vaksinimit që po ngrihen aktualisht në të gjithë vendin.
30,000 vullnetarë janë rekrutuar për zbatimin e planit të vaksinimit , disa prej të cilëve do të marrin trajnim special për të qenë në gjendje të kryejnë vaksinimet.
Vaksinat e para do të fillojnë të shpërndahen të hënën e ardhshme, më 7 dhjetor. Qendrat e vaksinimit po ngrihen në të gjithë vendin. Mbretëria e Bashkuar ka siguruar përmes një marrëveshje tregtare një numër të mjaftueshëm të dozave të Pfizer për të vaksinuar 20 milion njerëz ose një të tretën e popullsisë së saj.
Sipas Ministrit Britanik të Shëndetësisë, Matt Hancock " Britania do të ketë kapërcyer epideminë deri në pranverën e ardhshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.