.png)
Gazeta Si - Nisja e planifikuar e misionit “Artemis 1” të NASA-s, simbol i kthimit në Hënë, është anuluar për shkak të pamundësisë së riparimit të dështimit në motorin e tretë RS-25 të sistemit të lëshimit në hapësirë.
Vektori gjigant, i cili do të mbajë kapsulën Orion, pa njerëz në bord, rreth Hënës, supozohej të ngrihej në orën 14.33 me orën europiane në Qendrën Hapësinore Kennedy në Florida.
Prandaj, nisja mund të shtyhet për në 2 shtator: kapsula duhet të hapet në orën 18:48 me orën europiane për një kohëzgjatje prej 120 minutash. Në këtë rast, misioni duhet të zgjasë 39 ditë në vend të 42, duke përfunduar me një ulje në Oqeanin Paqësor të planifikuar për 11 tetor.
Mediat e huaja raportojnë se inxhinierët nuk kanë mundur të ftohin një motor të raketës 30-metërshe në temperaturën optimale për të funksionuar.
Fillimisht ishin të shqetësuar se mund të kishte një të çarë në pjesën e sipërme të raketës, por më vonë rezultoi se ishte akull.
Agjencia hapësinore ka opsionin për ta riprovuar sërish të premten, nëse problemi do të mund të zgjidhet lehtësisht.
Gjithsesi, ekziston mundësia që raketa të rikthehet në qendrën e montimit për më shumë riparime. Kjo mund të shkaktojë shtyrjen e fluturimit për një datë më të vonë në muajin shtator.
“Artemis 1” do të jetë hapi i parë në kthimin e eksplorimit të satelitit njerëzor. Është në fakt faza e parë e programit që, pas këtij misioni pa pilot, përfshin një të dytë (Artemis 2) në orbitën hënore dhe një të tretë (Artemis 3), të planifikuar për në fund të vitit 2025, në të cilin astronautët do të kthehen pas gjysmë shekulli, duke ecur në hënë.
Do të hidhen themelet për të ndërtuar një bazë të qëndrueshme që në të ardhmen mund ta bëjë satelitin një postë për udhëtimet në Mars.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
