Një avion elektrik kinez për pasagjerë ka realizuar me sukses fluturimin e parë me ekuipazh, duke shënuar një moment të rëndësishëm për industrinë e aviacionit në Kinë.
Avioni CE-25A fluturoi të shtunën në qytetin Binzhou, në provincën Shandong, me dy pilotë dhe një inxhinier në bord. Fluturimi zgjati 16 minuta e 38 sekonda, duke përshkuar rreth 60 kilometra.
I zhvilluar për udhëtime të shkurtra mes qyteteve, avioni përdor një sistem shtytës elektrik dhe ka kapacitet për 19 pasagjerë. Ai mund të arrijë shpejtësinë deri në 300 km/orë dhe një lartësi maksimale fluturimi prej 2,400 metrash.
Projekti është rezultat i bashkëpunimit mes Korporatës së Avionëve Tregtarë të Kinës (COMAC), prodhuesit të baterive CATL, Universitetit Jiao Tong të Shangait dhe institucioneve të tjera.
Sipas COMAC, fluturimi u zhvillua normalisht. Avioni kishte realizuar më parë fluturimin autonom, në shkurt të këtij viti, ndërsa më pas përfundoi 19 fluturime testuese pa pilot.
Megjithatë, CE-25A ende nuk është gati për përdorim komercial. Prodhuesi ka aplikuar për certifikimin e tipit pranë Administratës së Aviacionit Civil të Kinës (CAAC), por miratimi përfundimtar nuk është dhënë ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
.png)




Lini një Përgjigje