Shtatë hapa si mund të mësojmë të “bashkëjetojmë” me ndryshimet klimatike

Çdo vit jeta e miliona njerëzve shkatërrohet nga fatkeqësitë, të shkaktuara dhe përkeqësuara nga kriza klimatike. Nga zjarret në thatësira, vendet e varfra dhe të tjera përballen me urgjenca gjithnjë e më të shpeshta.

Për të mësuar si të “bashkëjetojmë” me ndryshimet klimatike, ekspertët kanë treguar shtatë mënyra kryesore.

Informohuni

Qasja në informacione të besueshme dhe të sakta për klimën është më e rëndësishme se kurrë. Të gjithë, nga punonjësit e ndihmës e deri tek drejtuesit e komunitetit, duhet të jenë të vetëdijshëm për realitetet e ndryshimit të klimës dhe efektet e tij lokale nëse duan të shmangin ose ndihmojnë në trajtimin e pasojave të tij mjekësore. Për shembull, lajmi i shtimit të kripës në ujin e pijshëm për shkak të rritjes së niveleve të detit që ndotin ujërat nëntokësorë i lejon komunitetet të përgatisin paraprakisht burime alternative të ujit.

Planifikoni përpara

Valët e nxehtësisë të përjetuara në hemisferën veriore këtë verë dhanë një shqetësim fizik, mendor dhe emocional të shkaktuar nga nxehtësia dhe lagështia. Këto efekte janë zmadhuar në vendet me të ardhura të ulëta, ku kushtet e bëjnë më të vështirë për të shpëtuar nga nxehtësia dhe pasiguria ushqimore.

Në rajonet e prekshme janë krijuar sisteme të kujdesit shëndetësor emergjent për veprime afatshkurtra për të përmirësuar disa nga problemet e ndryshimeve klimatike. Duke pasur parasysh ndikimet afatgjata të emergjencës klimatike, ekspertët duhet të parashikojnë efekte të gjera, përfshirë konfliktin mbi ujin, tokën dhe ilaçet. Për shembull, Programi Botëror i Ushqimit tani planifikon strategjitë e tij për të luftuar urinë të paktën katër vjet më parë.

Veproni herët

Veprimet parandaluese kursejnë jetë, kohë dhe para. Nëse njerëzit dhe komunitetet janë në gjendje të veprojnë herët para se emergjencat të bëhen akute, vuajtjet mund të parandalohen. Për shembull, kur një rajon kalon një numër të caktuar ditësh pa reshje, duke paralajmëruar një periudhë thatësie, krizat shëndetësore, kërcënuese për jetën tek fëmijët mund të shmangen më lehtë.

Përditësoni trajnimin

Trajnimi shëndetësor lokal është jetik për t'iu përgjigjur fatkeqësive, përfshirë epidemitë infektive, që janë përkeqësuar nga urgjenca klimatike. Ka shumë organizata që përgatisin punonjësit si t’u përgjigjen shpërthimeve të ndryshme të sëmundjeve, të cilat ka të ngjarë të rriten me ngrohjen e planetit. Kjo punë mund të përfshijë mësimin e aftësive për shpëtimin e jetës, sigurimin e pajisjeve dhe kurset kryesore të trajnimit mbi metodat e përditësuara të kujdesit.

Bashkëpunimi global

Shkalla e emergjencës klimatike tejkalon kapacitetin e çdo kombi. Siç e pamë gjatë pandemisë, një krizë shëndetësore që fillon në një vend mund të përhapet shpejt në të gjithë planetin. Njerëzit i përkasin një shoqërie globale, duke na detyruar të punojmë së bashku përtej kufijve për të parandaluar sëmundjet e lidhura me klimën. Për shembull, organizata si Shoqëria e Gjysmëhënës së Kuqe të Bangladeshit dhe Zyra e OKB -së për Koordinimin e Çështjeve Humanitare punojnë së bashku për të parandaluar efektet më të këqija të përmbytjeve vjetore në shëndetin dhe mirëqenien e njerëzve.

Mbroni mjedisin

Është një pikë shumë e rëndësishme, mbrojtja e mjedisit. Një hap i parë i rëndësishëm është krijimi i një baze nga shtetet për të matur më saktë ndryshimet, dhe përcaktimi i objektivave vendorë për gjëra të tilla si prodhimi i energjisë së rinovueshme për të siguruar që degradimi i mjedisit të zvogëlohet sa më shumë që të jetë e mundur. Kjo, nga ana tjetër, do të zvogëlojë barrën mbi sistemet e kujdesit shëndetësor.

Flisni

Ata që janë në pozita të privilegjuara, të tillë si akademikët dhe punonjësit, mund të flasin për ata që janë më të prekur nga ndryshimet klimatike dhe të jenë zëri i të prekurve. Edhe njerëzit me thjeshtë shumë të ndihmojnë duke iu bashkuar fushatave të ndryshme për mbrojtjen e mjedisit.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.