Shkencëtarët kanë gjetur 1000 bimë të ngrënshme që mbartin vitaminën B

Shkencëtarët kanë identifikuar mbi 1000 bimë të ngrënshme për të cilat ata thonë se mund të shmangin mangësitë e vitaminës B për mijëra njerëz në mbarë botën.
Studimi, i botuar në revistën “Nature Plants”, mblodhi të dhëna për përmbajtjen e vitaminës B për gati 1044 specie bimore të identifikuara se ishin ushqyese dhe zbuloi se shfaqin vlera ushqyese më të ngjashme sesa ato të lidhura në distancë. Studiuesit nga Kopshti Botanik Mbretëror në Britani dhe Kolegji “Imperial” i Londrës, kanë treguar se vitamina B – një klasë e vitaminave që përfshin tiaminë, riboflavin, niacinë dhe biotinë – është një faktor kyç në ruajtjen e mirëqenies në përgjithësi. Në format e tij të ndryshme, është treguar se ndihmon në shpërbërjen dhe çlirimin e energjisë nga ushqimi dhe ndihmon në ruajtjen e një sistemi nervor të shëndetshëm.
Megjithatë, kjo vitaminë është gjetur të jetë zakonisht e mangët në vendet e zhvilluara dhe në zhvillim.
Hulumtimi tregon gjithashtu se ka këto bimë janë të rrezikuara në mjedisin e tyre natyror. Shkencëtarët thonë se shumë nga këto specie të pambrojtura dhe të pasura me vlera ushqyese gjenden në pikat e nxehta globale si Azia Juglindore dhe Afrika Sub-Sahariane, duke treguar nevojën për veprime të mëtejshme për të siguruar që diversiteti i bimëve ushqimore të mbetet një rezervuar ushqimor për të ardhmen.
"Ky studim ilustron sesi njohuritë tona themelore për diversitetin e bimëve dhe lidhjen evolucionare mund të ofrojnë mjete për të ruajtur natyrën dhe kontributet e saj për njerëzit, duke përfshirë atë më thelbësorin: ushqimin," shtoi Samuel Pironon, bashkautor i studimit.

Ndërsa produktet ushqimore si mishi i viçit, shpendëve dhe ushqimet e detit, si dhe produktet e qumështit, vezët, bishtajore dhe disa drithëra njihen si burime të mira të vitaminës, shkencëtarët thonë se duke identifikuar një gamë më të gjerë bimësh me potencial për të plotësimi i këtyre mikro-nutrientëve jetikë mund të ofrojë një alternativë të qëndrueshme ndaj dietave me bazë mishi.
“Ne duhet t'i kushtojmë më shumë vëmendje diversitetit të jashtëzakonshëm të bimëve të ngrënshme për të kuptuar më mirë se si ato mund të kontribuojnë në ushqimin e njeriut dhe çfarë duhet të bëjmë për t'i ruajtur ato për brezat e ardhshëm. Studimi ynë përfaqëson një hap të rëndësishëm në atë drejtim”, vuri në dukje Aoife Cantwell-Jones, autori kryesor i studimit.
Llojet bimore jo të kërcënuara të identifikuara rishtazi si burime të mundshme të vitaminës B në studim përfshijnë llojin “Digitaria”, e përbërë nga shumë lloje bari me potencial të lartë ushqyes.
Studiuesit thonë se këto bimë mund të përfaqësojnë një burim kryesor ushqimor për të ardhmen, pasi ato janë në rritje të shpejtë dhe shumë rezistente ndaj klimës së nxehtë dhe të thatë. Ata thonë se tërshëra etiopiane (Avena abyssinica) është gjithashtu një ushqim tradicional dhe i pashfrytëzuar me potencial të lartë për sigurinë ushqimore.
Burimi: The Independent/ Përshtati: Gazeta “Si”