Gazeta Si - Një punonjës policie është goditur me sende të forta nga dy persona, teksa ishte në makinë bashkë me vëllain e tij këtë të shtunë në Tiranë. Sipas policisë, dy të plagosurit ndodhen në spital dhe janë jashtë rrezikut për jetën.
Ngjarja ka ndodhur rreth orëve të para të mëngjesit, në rrugën “Besim Alla”, ku gjatë një konflikti për rrethana ende të paqarta, shtetasit B.B., dhe B.B., në bashkëpunim me disa shtetas të tjerë, dyshohet se kanë goditur shtetasit E.F., (punonjës policie), B.F., dhe automjetin e tyre.
Gjatë konfliktit, shtetasit E.F., i ka rënë arma e shërbimit në tokë, e cila është gjetur më pas në vendngjarje. Si pasojë, shtetasit E.F., dhe B.F., janë dëmtuar dhe ndodhen në spital, jashtë rrezikut për jetën.
Nga burime paraprake, mësohet se punonjësi i policisë, bashkë me të vëllanë kanë qenë duke lëvizur në zonë dhe një grup prej disa personash i kanë parë dhe i kanë ndaluar.
Personat e tjerë i kanë kërkuar një shumë parash vëllait të efektivit, pasi ata pretendonin për një borxh të vjetër mes tyre. Në sherr e sipër të rinjtë janë goditur me sende të gorta si shkopinj e gurë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.