.png)
Gazeta Si - Një zyrtar i Bashkisë së Tiranës është arrestuar, pasi dyshohet se ka marrë ryshfet për të siguruar një vend pune.
Në një njoftim zyrtar, policia thotë se në pranga është vënë shtetasi Erjon Buçuku, 42 vjeç, me detyrë përgjegjës i burimeve njerëzore në Drejtorinë e Përgjithshme të Objekteve Publike të Bashkisë Tiranë.
Ai akuzohet për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës”.
Arrestimi i 42-vjeçarit u bë pas publikimit të një videoje në emisionin “Stop”, i cili ka publikuar rastin.
Sipas kësaj të fundit, shuma e paguar ryshfet, është 1 milion lekë për një vend pune roje shkolle në shkollën 9-vjeçare “Ardian Klosi”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
