Shtyhet në 1 shkurt seanca për shkarkimin e presidenti Ilir Meta në Gjykatën Kushtetuese, e cila ishte parashikuar për ditën e martë, 18 janar 2022.
Shkak është bërë infektimi me COVID i relatorit të çështjes. Në njoftimin e Gjykatës Kushtetuese, thuhet e seanca e radhës do të mbahet në fillim të muajit të ardhshëm, në 1 shkurt në orën 10:00.
Në 15 tetor 2021, Gjykata Kushtetuese vendosi të marrë në shqyrtim kërkesën e Kuvendit të Shqipërisë për shkarkimin e Presidentit të Republikës Ilir Meta nga posti i tij. Kushtetuesja vendosi ta kalojë çështjen në seancë publike.
Në seancën plenare të 9 qershorit 2022, Kuvendi vendosi shkarkimin e Metës me 104 vota pro, 7 kundër dhe 3 abstenim.
Tashmë do të jetë Gjykata Kushtetuese ajo që do të shprehet nëse gjetjet e Komisionit Hetimor për Metën përbëjnë shkelje të Kushtetutës.
Meta është presidenti i parë në historinë e Shqipërisë që ndëshkohet me votë nga deputetët pas nismës së 55 deputetëve socialistë dhe hetimeve nga Komisioni i Posaçëm, pjesë të cilit ishin edhe deputetët e opozitës parlamentare.
Sipas akuzave të socialistëve, Meta ka qenë përgjegjës për nxitjen e konfliktit me deklaratat e tij para dhe pas zgjedhjeve të 25 prillit të këtij viti.
Tani, vendimi përfundimtar i mbetet Gjykatës Kushtetuese. Për largimin e Metës nga detyra, nevojiten 5 vota të anëtarëve të kësaj gjykate.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.