.png)
Shkencëtarët raportuan dëmtimi i teleskopit hapësinor James Webb (JWST) gjatë një goditjeje me mikrometeor në fund të majit 2022 mund të jetë më i keq sesa mendohej në fillim.
Pas rishikimit të të dhënave në vazhdën e imazheve të para të pabesueshme që Webb ka dërguar në Tokë javën e kaluar, një grup shkencëtarësh përshkruan performancën e teleskopit hapësinor gjatë fazës së vënies në punë.
Ata raportuan probleme që “nuk mund të korrigjohen” si dhe një “efekt të vogël në trajektoren e teleskopit, i cili ende nuk është i matshëm”.
Duke shkruar për jetëgjatësinë e parashikuar të teleskopit Webb, raporti thotë: "Për momentin, burimi më i madh i pasigurisë janë efektet afatgjata të ndikimeve të mikrometeorit që ngadalë degradojnë pasqyrën parësore".
Pasqyra kryesore 6.5 metra e Webb-it përfshin 18 segmente berilium-ari. Njëra prej tyre, e quajtur C3, u godit nga grimca të vogla pluhuri midis 23 dhe 25 maj 2022. Që prej nisjes, Webb është goditur nga pesë mikrometeoroidë të tjerë, më të vegjël. Një goditje e vogël në muaj është afërsisht ajo çka parashikuan inxhinierët para nisjes së pajisjes më të kushtueshmte të NASA-s.
"Pas vlerësimeve fillestare, ekipi zbuloi se teleskopi është ende duke performuar në një nivel që i tejkalon të gjitha kërkesat e misionit", tha Thomas Zurbuchen, Administrator i Asociuar në Drejtorinë e Misionit Shkencës të NASA-s, në një postim në Twitter pas goditjes së C3.
Megjithatë, raporti i ri sugjeron se dëmtimi në segmentin C3 mund të jetë më serioz sesa mendohej fillimisht.
"Nga gjashtë goditjet e mikrometeoroideve të zbuluara deri më tani përmes sensorit ballor, pesë patën efekte të papërfillshme. Mikrometeori që goditi segmentin C3 në periudhën 22-24 maj 2022 UT shkaktoi një ndryshim të rëndësishëm të pakorrigjueshëm pjesën e përgjithshme të atij segmenti", thuhet në raport.
Për më tepër, raporti thotë se kjo ngjarje "mund të ketë ndikuar edhe te trajektorja e teleskopit” 10 miliardë dollarësh.
Megjithëse mund të ketë mjaftueshëm lëndë shtytëse për të qëndruar 20 vjet, një dekadë më shumë se sa pritej më parë, inxhinierët që projektuan Webb-in e dinë se pasqyrat dhe mburoja e diellit do të degradohen në mënyrë të pashmangshme ngadalë si pasojë e goditjes nga mikrometeori.
Pritet gjithashtu që detektorët e Webb-it të dëmtohen gradualisht nga grimcat e ngarkuara, ndërsa mbrojtja e diellit dhe izolimi inovativ me pesë shtresa do të degradohen nga kushtet e hapësirës.
Raporti thotë se pasqyra e teleskopit është pashmangshmërisht e pambrojtur nga mikrometeorët dhe përshkruan se “gjashtë deformime të lokalizuara sipërfaqësore në pasqyrën parësore që i atribuohen ndikimit nga mikrometeoroidet”.
A ishte "ndikimi C3" një rastësi? “Nuk është ende e qartë nëse goditja e majit 2022 në segmentin C3 ishte një ngjarje e rrallë, ose nëse teleskopi mund të jetë më i ndjeshëm ndaj dëmtimit nga mikrometeoroidet sesa ishte parashikuar modelimi para nisjes”, thuhet në raport.
Shpresohet se ishte thjesht një ngjarje që ndodh një herë në disa vjet, por ekipi tani do të hetojë popullsinë e mikrometeoroideve në afërsi të Webb-it, se si ndikimet ndikojnë në pasqyrat e beriliumit-ari dhe si të zbuten goditjet e mëtejshme.
Një teleskop hapësinor prej 10 miliardë dollarësh që sheh në rrezet infra të kuqe, Webb u lançua në ditën e Krishtlindjes në 2021 dhe që nga shkurti ka qenë në orbitën e pikës L2 rreth 1.6 milion kilometra larg nga Toka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
