.png)
Një vrimë e zezë nëntë herë më e madhe se masa e Diellit është gjetur për herë të parë jashtë galaktikës së Rrugës së Qumështit. Studiuesit e kanë quajtur këtë një zbulim shumë emocionues.
Një studiues nga Universiteti i Sheffield thotë se kjo vrimë e zezë është "e para që zbulohet jashtë galaktikës tonë".
Studiuesit kishin kërkuar sisteme binare të vrimave të zeza, për më shumë se dy vjet përpara se të gjenin atë që është bërë i njohur si “VFTS243”.
Paul Crowther, profesor i astrofizikës në universitet, e përshkroi atë si një "zbulim shumë emocionues" që vjen pasi "janë propozuar një numër kandidatësh për vrima të zeza të fjetura".
Vrimat e zeza me masë yjore formohen kur yjet masive arrijnë në fund të jetës së tyre dhe shemben nën gravitetin e tyre. Në një sistem me dy yje që rrotullohen rreth njëri-tjetrit, ky proces lë pas një vrimë të zezë në orbitë me një yll shoqërues të ndritshëm.
Është vëzhguar në një galaktikë fqinje nga një ekip shkencëtarësh ndërkombëtarë.
Studimi i tyre i botuar në “Nature Astronomy” tregon se ylli që shkaktoi VFTS243 u zhduk pa asnjë shenjë të një shpërthimi.
Një vrimë e zezë konsiderohet e fjetur nëse nuk lëshon nivele të larta të rrezatimit me rreze X, e cila është mënyra se si zakonisht zbulohen vrima të tilla të zeza.
Vrimat e zeza të fjetura janë të vështira për t'u dalluar pasi ato nuk ndër veprojnë shumë me mjedisin e tyre.
VFTS 243 u gjet duke përdorur vëzhgime gjashtëvjeçare të Mjegullnajës Tarantula, nga instrumenti spektrograf me shumë elementë me grup të madh fibër në teleskopin e madh të Observatorit Jugor Evropian.
Burimi:The Guardian/Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
