.png)
Pas përplasjeve në shumicën e bashkive të djathta në vend, sot është tensionuar situata edhe në bashkinë e Kamzës.
Punonjësit e bashkisë dhe militantët e PD-së kanë tentuar që të hapin me forcë derën e shkollës “Ibrahim Rrugova”, ku ndodhet KZAZ-ja nr. 27, për të shkatërruar materialet zgjedhore.
Pas tensionimit të situatës, ata tentuan që të shqyejnë me forcë derën e shkollës për të marrë dhe shkatërruar materialet zgjedhore.
Policia nga ana e saj ka ndërhyrë duke hedhur gaz lotsjellës për të shpërndarë turmën që ndodhej para shkollës. Madje, një efektiv policie mësohet se ka rënë pa ndjenja në ambientet e KZAZ.
Po ashtu, tensione ka pasur edhe në Bashkinë e Gjirokastrës dhe Kavajës, ku bashkitë kanë urdhëruar lirimin e ambienteve të KZAZ.
Ndërsa dje pati tensione në bashkinë e Tropojës, Shkodrës, Lezhës, Selenicës.
Në Shkodër u dogj dhe shkolla ku ishin grumbulluar materialet zgjedhore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
