Gazeta Si - Vovan dhe Lexus, respektivisht Vladimir Aleksandrovich Kuznetsov dhe Aleksei Vladimirovich Stolyarov, të dy 36 vjeç, janë humoristë rusë të njohur për telefonatat e tyre humoristike ndaj liderëve politikë, së fundmi ndaj kryeministres italiane Giorgia Meloni dhe të famshëm nga e gjithë bota.
Ata në fakt kanë studiuar për drejtësi dhe ekonomi, më pas janë kthyer të bëjnë rolin e gazetarit. Thuhet se kanë qenë të lidhur më shumë se një herë me Shërbimin Federal të Sigurisë të Federatës Ruse, por gjithmonë e kanë mohuar këtë afërsi.
Fakti është se kanë arritur të kapërcejnë çdo filtër dhe kanë 'goditur' disa herë në të kaluarën, veçanërisht ata që do të konsideroheshin kritikë ndaj Rusisë: nga Elton John te Mikhail Gorbachev, nga presidenti turk Rexhep Tajip Erdogan te ish-kancelarja gjermanie Angela Merkel, duke kaluar përmes numrit një të Bankës Qendrore Evropiane, Christine Lagarde, republikanit John McCain, kandidat për president të SHBA-ve në vitin 2008, Princit Harry të Anglisë dhe shkrimtarit J.K.Roëling, krijuesit të sagës Harry Potter.
Nga ish-kancelarja gjermane Angela Merkel, e bindur se po fliste me ish-presidentin ukrainas Poroshenko, te presidentin turk Rexhep Tajip Erdogan, nga Elton John, te kryeministri spanjoll Pedro Sanchez: është e gjatë lista e viktimave “Vip” të falsifikimeve telefonike të dyshes së humorit rus Vovan dhe Lexus.
Vetëm muajin e kaluar Sanchez ra në kurth, i bindur se po fliste me presidentin e një vendi afrikan të shqetësuar për pezullimin e marrëveshjes për eksportin e grurit ukrainas nga portet në Detin e Zi.
Megjithatë, kryeministri spanjoll kishte qëndruar i vendosur në pozicioni i tij kundër ripranimit të bankave ruse në sistemin Sëift dhe kishte shfaqur interes për "rivendosjen e rendit në Niger" duke e gjykuar "të papranueshme për të lënë Rusinë si aktorin kryesor në rajon" të Sahelit.
Në prill, dyshja ruse arritën të regjistronin një bisedë me kryetarin e Rezervës Federale, Jerome Poëell, duke u paraqitur si askush tjetër, përveç se presidentit ukrainas Volodymyr Zelensky.
Në nëntor të vitit të kaluar ata telefonuan presidentin polak Andrzej Duda, ku njëri nga të dy u paraqit si Emmanuel Macron.
Në të kaluarën një nga dy aktorët e humorit kishte imituar edhe presidentin rus Vladimir Putin për të folur në telefon me Elton John.
Ishte vetë muzikanti që bëri të njohur në Instagram bisedën e supozuar me liderin rus, duke thënë se ishte gati ta takonte për të diskutuar për diskriminimin ndaj homoseksualëve në Rusi.
Ende duke u paraqitur si Zelensky, njëri nga të dy kishte folur vitin e kaluar me shkrimtaren britanike J K Roëling, duke e propozuar veten si aktor në një film të ri të mundshëm në sagën e Harry Potter.
Më pas ai kritikoi kryeministrin e atëhershëm britanik Boris Johnson me "Unë preferoj Tony Blair".
Vovan dhe Lexus përdorin një teknikë që tani është e vendosur mirë. Duke adoptuar një identitet të rremë, zakonisht atë të një zyrtari qeveritar ose politikani dhe duke cituar informacione për të cilat ata dinë, ata e kapin në befasi bashkëbiseduesin e tyre dhe arrijnë ta bëjnë atë të flasë në mënyrë konfidenciale.
Në vend që të imitojnë zërat, ata fokusohen në efektin e befasisë. Të dy u bënë të famshëm falë kanalit të tyre në YouTube, i cili u ndalua këtë vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.