.png)
“Ka shumë lodhje nga të gjitha anët" në lidhje me konfliktin në Ukrainë dhe "po vjen momenti kur të gjithë do të kuptojnë se na duhet një rrugëdalje". Kështu tha Giorgia Meloni në një telefonatë "false" me dy aktorë humori. Rusët, Vovan (Vladimir Kuznetsov) dhe Lexus (Alexey Stolyarov), njëri prej të cilëve dyshohet se u prezantua si "politikan afrikan".
“Problemi – thekson bashkëbiseduesi që prezantohet si Meloni – është që të gjendet një rrugëdalje e pranueshme nga të dyja palët pa shkatërruar të drejtën ndërkombëtare.
Unë kam disa ide se si ta trajtoj këtë situatë, por jam duke pritur kohën e duhur për t'i vënë ato në tryezë"
Regjistrimi i bisedës është postuar në platformën online kanadeze Rumble dhe është marrë pastaj nga agjencia ruse Ria Novosti.
“Kundërofensiva e Ukrainës nuk po shkon ashtu siç pritej”, thotë sërish Meloni dhe “nuk e ka ndryshuar fatin e konfliktit”. Pra, "të gjithë e kuptojnë se mund të zgjasë shumë vite nëse nuk përpiqemi të gjejmë një zgjidhje"
Megjithatë, ukrainasit, shton ajo, "po bëjnë atë që duhet të bëjnë, atë që është e drejtë të bëjnë dhe ne po përpiqemi t'i ndihmojmë ata".
Një pjesë e bisedës i kushtohet ardhjes së emigrantëve në brigjet italiane: "Evropa - thotë bashkëbiseduesi - ka menduar prej kohësh se mund ta zgjidhë problemin duke e kufizuar në Itali. Ajo që ata nuk kuptojnë është se ajo është e pamundur dimensioni i këtij fenomeni është i tillë që përfshin jo vetëm BE-në, por për mendimin tim edhe OKB-në. Problemi është se të tjerëve nuk u intereson dhe të gjithë janë dakord që Italia duhet ta zgjidhë e vetme këtë problem"
Pastaj ka një përmendje të shkurtër të Libisë. "Ne mund të diskutonim për orë të tëra - thotë zëri që i atribuohet Melonit – se çfarë ndodhi në Libi. Ndoshta sot dikush e kupton që situata më pas nuk ishte aq e mirë, nuk ishte më mirë".
Ka ardhur edhe reagimi i parë nga stafi i Melonit.
“Zyra e këshilltarit me jashtë e Kryeministrit shpreh keqardhjen që u mashtrua nga një mashtrues i cili u paraqit si President i Komisionit të Bashkimit Afrikan dhe u vu në kontakt telefonik me kryeministren Meloni. Episodi ndodhi më 18 shtator…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
