.png)
Drejtoria e Përgjithshme e Tatimeve ka lajmëruar se nga janari 2021 deri në fund të korrikut janë lëshuar mbi 9 milionë fatuara të fiskalizuara nga 13.633 biznese në fiskalizim. Nga ky numër, 7.690 subjekte janë regjistruar në fazën e parë dhe pjesa tjetër gjatë fazës së dytë.
Në total janë 34 mijë biznese për t’u bërë pjesë e fiskalizimit, por deri tani vetëm 40% e tyre janë bërë pjesë. Ndërkohë 60% e biznesit të mbetur ka kohë deri më 1 shtator të regjistrohet në fazën e dytë dhe më pas për fazën e tretë.
Shoqatat e biznesit dhe tregtisë kanë reaguar kundër fiskailzimit që në nisje të saj duke përmendur kostot monetare, problemet teknike, papërgatitjen e subjekteve dhe lënien mënjanë të bizneseve nëpër periferi.
Një arsye pse bizneset po hezitojnë të regjistrohen në fiskalizimi mund të jetë edhe vendimi i qeverisë dhe Ministrisë së Financave për të falur penalitetet deri më 31 dhjetor 2021, por t’i nisin më 1 janar 2022. Vendimi erdhi pas kërkesës së bizneseve për shtyrje të të gjthë procesit me 2 vite, por që nuk u mor parasysh.
Në fazën e parë përfshiheshin bizneset që kryenin transaksione me institucionet shtetërore. Në fazën e dytë duhet të regjistrohen bizneset qe kryejnë transaksione pa para në dorë midis tatimpaguesëve dhe në fazën e tretë transaksionet me para në dorë tatimpagues-konsumator.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
