.png)
Gazeta Si - "Më vjen keq për atë që bëri djali im. Ai duhej të më vriste mua". Këto janë fjalët e babait të vrasësit në shkollën fillore të Uvaldes në Teksas, SHBA.
Në një intervistë për “Daily Beast”, burri i habitur thotë. "Nuk e prisja kurrë një gjë të tillë nga djali im. Ai duhet të më kishte vrarë mua në vend që të bënte atë që bëri", thotë Salvador Ramos, i njëjti emër me djalin vrasës.
Ramos ishte në punë kur nëna e tij e kontaktoi për ta informuar për të shtënat në Uvalde.
Pasi mësoi lajmin, ku u vranë 19 fëmijë dhe dy mësuese atë e kapi paniku dhe filloi të telefononte stacionin e policisë me shpresën se do të ishte arrestuar.
Por Salvador u vra përfundimisht nga oficerët e policisë të thirrur për të ndërhyrë në shkollën fillore të Uvaldes.
“Më vranë fëmijën, - tha sërish Ramos. - Unë nuk do ta shoh më djalin tim, ashtu siç nuk do t'i shohin fëmijët e tyre dhe kjo më lëndon mua”.
“Nuk e kam idenë pse djali im u bë kaq i dhunshëm dhe pse e kishte vënë në shënjestër shkollën”, tha Ramos, i cili pranoi se nuk e kishte ndjekur shumë në periudhën e fundit.
Kufizimet për Covid janë gjithashtu një shkak i mundshëm. Dhe ndoshta ishte gjatë pandemisë që Salvador u bë edhe më i frustruar, aq sa një muaj më parë, kur babai i tij u përpoq të vinte në kontakt me të, ai refuzoi. “Ai ndoshta do të më kishte vrarë edhe mua”, shtoi ai.
Ramos foli edhe për sherret e djalit të tij me gjyshen nga nëna, e para që u qëllua dhe u plagos.
Ramos kishte zgjedhur ta linte Salvadorin të jetonte me të, por mungesa e lidhjes në internet e bëri atë të hiqte dorë.
Dhe pikërisht për faturën e telefonit ishin zënkat e fundit mes nipit dhe gjyshes.
Në fund, Ramos nuk e “shet” djalin e tij për të keq, por i del në mbrojtje:
“Nuk dua ta quajnë përbindësh, nuk dinë asgjë, nuk e dinë se çfarë po kalonte”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
