.png)
Gazeta “Si” sjell ekzkluzivisht shkresën e parë të Artur Metanit si Inspektor i Lartë i Drejtësisë. Shkresa u është drejtuar të gjitha gjykatave të vendit ku u kërkohet informacion mbi lirimet me kusht.
Informacioni kërkohet për të gjitha dosjet e lirimeve me kusht në tre vitet e fundit, nga 1 janari i 2017 deri më 31 janar të 2020, afat ky që nuk përfshin lirimin e Lulzim Berishës nga gjykata e Apelit në Durrës, që e mori vendimin në 2016.
ILD kërkon dokumentacionin që pasqyron të gjithë procedurën e caktimit të gjyqtarit për secilën kërkesë me objekt shqyrtimi “lirimin me kusht”.
Kërkohen gjithashtu edhe vendimet e dhëna nga gjykatat e rretheve gjyqësore në periudhën kohore 3-vjeçare dhe mënyra sesi janë trajtuar kërkesat me objekt “lirimi me kusht”, si dhe ecurinë e këtyre kërkesave në rastet kur janë ankimuar në gjykata më të lartë, duke përfshirë edhe ankesat e bëra nga prokuroritë.
Shkresa ILD-së merr shtysë nga lirimi i i Endrit Dokles nga një vendim i gjyqtares Enkelejda Hoxha të gjykatës së Krujës. Dokle, ish-anëtar i bandës së Durrësit ishte dënuar me burg përjetë, por përmes disa vendimeve dhe manovrave ligjore dënimi i tij u rishikua dhe u ul me 25 vite burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
