Lady Gaga mbërriti në Festivalin e Filmit në Venecia, më 30 gusht. E hipur mbi një varkë-taksi, e veshur me fustan të zi pas trupit, këpucë me taka të holla, flokët me krela në stilin e viteve ’40 dhe e grimuar me një të kuq buzësh të ndezur, mbante në dorë një lule për efekt edhe më kinematik.
Këngëtarja e famshme ndodhet në Venecia për premierën e filmit “A Star is born”, ku debuton si aktore në krah të Bradley Cooper.Bienalja e Venecias ka bërë me dije se filmi do e ketë premierën e tij botërore, jashtë konkurrimit, mbrëmjen e 31 gushtit, në Pallatin e Kinemasë, në Lido.
Filmi përshkruan një histori të fuqishme dashurie dhe Cooper interpreton muzikantin Jackson Maine,i cili zbulon dhe bie në dashuri me artisten në vështirësi, Ally, interpretuar nga Lady Gaga. Ajo ka hequr dorë nga ëndrra e saj si këngëtare, derisa Jackson e çon drejt famës. Por megjithëse karriera e Ally-it merr hov, marrëdhënia e tyre po shkatërrrohet, ndërsa Jackson lufton në betejën e gjatë me djajtë e tij të brendshëm.
Ky film është edhe debutimi i Bradley Cooper si regjisor. Aktori ka qenë katër herë kandidat për "Oscar" në filma si “American Sniper”, “American Hustle”, “Silver Linings” dhe “Playbook”, po ashtu edhe Gaga është nominuar për këngën më të mirë në Çmimet e Akademisë, në filma si “Til It Happens to You,” dhe “The Hunting Ground”.
Filmi shfaq edhe një këngë origjinale të luajtur live përpara kamerës nga Cooper dhe Gaga, e cila ka shkruar edhe pjesë të tjera muzikore për filmin, në bashkëpunim me muzikantë si Lukas Nelson, Jason Isbell dhe Mark Ronson. Kasta e filmit përshin edhe aktorë të tjerë si Andrew Dice Clay, Dave Chappelle dhe Sam Elliott.
Edicioni i 75-të i Festivalit Ndërkombëtar të Filmit në Venecia, do të vijojë në Lido, deri më datën 8 shtator dhe prezantohet nga Alberto Barbera. Filmi “ A Star is Born” do të dalë në kinema në muajin tetor nga Warner Bros.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.