Gazeta Si - I përjashtuar me 20 ditë nga Kuvendi për shkak të incidenteve në seancat e shkuara, Flamur Noka nuk ndalet.
Deputeti i Partisë Demokratike, pa nisur seanca e sotme plenare ka tentuar të futet brenda ambienteve të Parlamentit e më pas ka hedhur miell mbi punonjësit e Gardës.
@gazetasi Deputeti Dashnor Sula shkon në Kuvend “i veshur” me para dhe lloto një ditë pasi qeveria miratoi ligjin e ri të basteve online #gazetasi #news #dashnorsula #kuvendi #tirana #proteste #albania ♬ original sound - Gazeta “Si”
Ai nuk ka kursyer me miell as Sekretarin e Përgjithshëm të Kuvendit, Genc Gjonçajn. Ky i fundit nuk bëri asnjë veprim përveçse e duartrokiti në formë ironie për gjestin. Nga ana tjetër edhe deputeti Dash Sula u shfaq i veshur në mënyrë simbolike me euro dhe dollarë kundër ligjit që rikthen bastet online.
Po ashtu, deputetët e Partisë Demokratike kanë hedhur vezë mbi eskortën e ministrit të Brendshëm, Taulant Balla.
@gazetasi Pak momente pas përplasjes së Flamur Nokës me gardistët në hyrje të Kuvendit. Noka i hodhi miell punonjësve të gardës të cilët i bllokuan hyrjen. Në shkallë ai shtroi miell në formën e vizave të kokainës. #gazetasi #news #kuvendi #tirana #albania #flamurnoka ♬ original sound - Gazeta “Si”
Kjo ngjarje është regjistruar në ambientet e jashtme të Kuvendit pak pasi përfundoi seanca parlamentare. Eskorta e ministrit Balla ishte duke u larguar nga ambientet e Kuvendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.