Nga Gazeta 'Si'-Shumë frikë për politikën monetare federale, rritjen e aktivitetit rregullator dhe trazirat bankare.
Megjithatë, Bitcoin ka vijuar të jetë në nivele të mira duke lundruar mbi 28 mijë dollarë.
Analistët e kriptomonedhave thonë se një “ndryshim i paradigmës” po përforcon statusin e Bitcoin si një aset i sigurt, ndërsa tërheq investitorët e rinj mes krizës bankare në SHBA.
Pas rënies së Silvergate, Silicon Valley Bank (SBV) dhe Signature Bank, si dhe shitjes së gjigantit zviceran Credit Suisse te rivali i saj UBS javën e kaluar, kriptomonedha më e madhe në botë është rritur në vlerën e saj më të lartë që nga qershori 2022.
Kriptomonedha u tregtua me rreth 28.393 dollarë, me rritje 3.8% gjatë 24 orëve të fundit. Bitcoin është rritur rreth 22% këtë muaj dhe më shumë se 65% që nga 1 janari.
"Këto rregullime nga përpjekjet e zbatimit dhe kriza bankare i shërbejnë komunitetit të kriptove," tha Benoit Bosc, kreu global i produktit në firmën tregtare të kriptove.
"Bitcoin ka përfituar më së shumti dhe është rritur ndjeshëm që nga fillimi i këtyre ngjarjeve”, tha ai.
Bosc shtoi se tregjet ranë të mërkurën(22 mars) nga deklarata e kryetarit të Fed-it, Jerome Powell dhe sekretares së thesarit e të SHBA-së, Janet Yellen, të cilët përsëritën shqetësimet e tyre për inflacionin.
Powell nuk arriti të garantonte që banka nuk do të rriste përsëri normat e interesit, të cilat disa kritikë të Fed i kanë fajësuar për fatkeqësitë e fundit bankare dhe Yellen nuk premtoi të mbronte të gjitha depozitat bankare në rast të një kolapsi më të përhapur të sektorit pa miratimin e Kongresit.
“Kur ka probleme me monedha të qëndrueshme, Bitcoin papritmas duket më i qëndrueshëm, tërheqës dhe më i sigurt se ato për momentin."
Kriptot e tjera kryesore janë kryesisht në rritje duke rifituar terrenin e humbur.
Burimi: Coindesk/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.