Policia në Vlorë ka vënë në pranga një 33-vjeçar, i cili është në kërkim nga autoritetet spanjolle. Bëhet e ditur se në pranga është vënë V. H, alias V. J, banues në lagjen “Kushtrimi”, Vlorë.
Arrestimi provizor i tij u bë pasi Gjykata e Castellon Spanjë i ka caktuar në fillim të këtij muaji masën e sigurisë “Arrest me burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”, të parashikuar nga Kodi Penal i Spanjës.
Sipas policisë, 33-vjeçari, në bashkëpunim me persona të tjerë shqiptarë e spanjollë, merrnin shtëpi me qira në zonën e Castellonit dhe i përshtatnin për të kultivuar bimë narkotike me anë të llambave.
Pritet ekstradimi i tij drejt Spanjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.