.png)
Dyqanet vezulluese të Louis Vuitton, Chanel dhe Gucci, në qendrën e Tokios nuk mund të mendohen si outlete me ulje. Ato janë dizajnuar nga arkitektët më të mirë dhe ofrojnë të mira luksoze që shiten në zonën më të shtrenjtë të Japonisë.
Por kohët e fundit ata kanë bërë “pazare”. Turistët kinezë kanë fluturuar drejt Japonisë për të blerë produkte më të lira se në atdhe.
Konsumatorët e Kinës, nxitësit kryesorë të industrisë globale të luksit gjatë dy dekadave të fundit, po bëjnë kujdes me paratë e tyre. Ekonomia e brishtë ka ngushtuar shpenzimet e tyre. Shitjet e Burberry dhe Gucci-t në rajonin aziatik, jashtë Japonisë, kanë rënë ndjeshëm.
Rënia e gjerë e konsumit të produkteve luksoze është një goditje për industrinë. Aksionet e kompanisë mëmë të Gucci-t, Kering ranë me 8% ditën e enjte.
Ndërkohë që drejtuesi i Kering, François-Henri Pinault po dështon në rikthimin e shkëlqimit të Gucci-t, rivali i tij, Bernard Arnault, drejtuesi i Louis Vuitton, po dobësohet po ashtu.
75 shtëpitë e modës që LVMH posedon, përfshirë LV dhe Dior, po e ndjejnë dhimbjen. Vetëm këtë vit vlera dhe shitjet e tyre kanë rënë me 9%. Jean-Jacques Guiony, kreu i financave të korporatës, tha se po mbështeten në "modën e përhershme të markave mes shijeve të konsumatorit që evoluojnë me shpejtësi".
Louis Vuitton është deri më tani brendi më i madh luksoz në botë, me fitime deri në 12 mld dollarë në vit. Shet shumë çanta dhe aksesorë.
Dyqanet luksoze më të vogla janë më të rrezikuara. Burberry tha këtë muaj se do të shkarkojë shefin ekzekutiv pasi tentoi që të kapte shifrat e LV dhe Chanel dhe dështoi.
Por, firmat që kanë kapur blerësit më të pasur vazhdojnë të shesin po aq shtrenjtë, dhe po ecin mjaft mirë. Hermes, prodhuesi francez i cantës Birkin, sfidoi rënien këtë javë duke njoftuar një rritje 13% në shitje. Brunello Cucinelli, themeluesi i të cilës njihet si “mbreti i Kashmirit” po zgjerohet shpejt në Azi.
Mësimi është që ajoo ccfarë njihet “ngritja e markës”, bërja e produkteve më të shtrenjta dhe më ekskluzive po vështirësohet. Kishte hapësirë për ta bërë kur konsumatorët ishin të uritur për luks, si pasojë e lojës së globalizimit, por duhen vite dedikim për të pastruar panoramën.
Edhe LVMH është i rrëzueshëm. Zotimi i francezëve për të shitur më shumë dhe më shtrenjtë bizhuteritë uli shitjet. Drejtuesi i Burberry tha se “shkuam shumë larg, shumë shpejt me rritjen e çmimeve”.
Shumë ende shpresojnë se viti 2024 do të jetë një rrëshqitje pas emocioneve të vitit të kaluar dhe se rritja do të rifillojë në vitin 2025. Historia sugjeron se ky është një bast i drejtë – tregu i mallrave personale luksoze është dyfishuar në vlerë që nga viti 2010, sipas konsulencës Bain.
Megjithatë, nuk ka asnjë garanci për këtë. Edhe kompanitë që me besim siguruan dyshuesit në fillim të këtij viti se ishte një dobësim i përkohshëm tingëllon më pak të sigurta tani. Sipas definicionit, luksi nuk është domosdoshmëri dhe askush nuk ka nevojë për një çantë të re Hermès ose kostum Dior. Nëse industria e ka harruar këtë, është kujtuar këtë javë./FinancialTimes
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
