Gazeta Si - Pas 11 vitesh zbardhet një vjedhje e kryer nën kërcënimin e armës së zjarrit në një subjekt të shitjes së gazit në Portëz të Fierit.
Policia njofton se në kuadër të operacionit policor të koduar “Gjurmët” për rastin e vjedhjes e kryer në vitin 2012, është bërë e mundur zbardhja dhe dokumenti me prova ligjore i këtij rasti si dhe kapja dhe ndalimi i një prej autorëve të tij, konkretisht 46-vjeçarit me iniciale Zh. (Sh.) D., banues në Patos.
Gjykata e Shkallës së Parë e Juridiksionit të Përgjithshëm Fier ka caktuar ndaj 46-vjeçarit, masën e sigurisë “Arrest në burg”, pasi akuzohet se në vitin 2012, në bashkëpunim me një shtetas tjetër, nën kërcënimin e një arme zjarri, vodhi rreth 60 000 Lekë, në një subjekt për shitje të gazit, në fshatin Portëz.
Hetimet vijojnë për identifikimin dhe kapjen e shtetasit tjetër të implikuar në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.