.png)
Shfaqja e koronavirusit në Kinë mund të ketë ndodhur shumë më përpara raportimit të rastit të parë zyrtar, pasi një zbulim i fundit sinjalizon se virusi ka qarkulluar në Europë që në dhjetor.
Qeveria franceze ka zbuluar së fundmi se një pacient në një spital në Paris ishte i infektuar me COVID-19 që në dhjetor, tre ditë përpara se të konfirmohej shfaqja e sëmundjes në Kinë, dhe gati një muaj përpara se të konfirmoheshin rastet e para zyrtare në Evropë.
Profesori Yves Cohen, një mjek i kujdesit intensiv në një spital periferik në Paris tha në një intervistë për mediat franceze se një prej pacientëve të tij, i shtruar në spital në dhjetor për pneumoni, kishte testuar pozitiv me COVID-19 më 27 dhjetor, duke nxitur spekulimet se virusi mund të ketë qenë duke qarkulluar në Europë shumë më herët sesa mendohej më parë.
"Qeveria po merr parasysh lajmet dhe është në kontakt me shkencëtarët dhe ekspertët që të përpiqen të konfirmojnë këtë zbulim," tha një zëdhënës për ministrinë franceze të shëndetësisë të hënën. "Si hap i dytë, ne po konsiderojmë nisjen e hetimeve nëse do të ishte e nevojshme."
Nëse konfirmohet, ky rast do të ndryshonte afatin kohor për qarkullimin e virusit. Kina raportoi për herë të parë rastet e para në botë të koronavirusit të ri në Organizatën Botërore të Shëndetit në 31 Dhjetor. Franca njoftoi dy rastet e para të njohura të COVID-19 në Europë më 24 janar.
Cohen tha se pacienti i tij ishte një nga 24 të cilët ishin shtruar në spital për pneumoni në dhjetor dhe janar në dy spitale në rajonin e Parisit - Jean-Verdier në Bondy dhe Avicenne në Bobigny - dhe të cilin ekipi i tij vendosi që në mënyrë retroaktive të testonte për COVID-19.
Cohen tha që ekipi i tij po kryente teste mbi pacientët në atë kohë për të zbuluar praninë e gripit ose viruseve të tjera. Ekipi kohët e fundit vendosi të ritestojë mostrat e pacientëve për të zbuluar COVID-19.
"Nga 24 pacientë, ne morëm një që testoi pozitiv për COVID-19 më 27 dhjetor, kur ai u shtrua në spital në Jean-Verdier," tha Cohen.
Ndër të dy rastet franceze konfirmuan 24 janar dhe një u konfirmua menjëherë pasi kishin udhëtuar në Kinë. Qendra Evropiane për Parandalimin dhe Kontrollin e Sëmundjeve (ECDC) tha se ishte në dijeni të lajmeve franceze dhe i kërkoi Francës nisjen e hetimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
