Fjalëkryqi, një trajnim për trurin

Duke shkuar në palestër dhe duke përdorur mjetet aty, ne stërvitim muskujt e trupit tonë. Me kalimin e kohës ne i shohim efektet me sy të lirë, të gjitha muskujt janë më të tonifikuar. Kështu fjalëkryqi apo lojra të tjera në këtë format janë një trajnim për trurin tonë. Studimet që tregojnë se fjalëkryqet kanë këtë efekt janë të shumta. Sipas të dhënave sa herë që angazhohemi në kërkimin e zgjidhjeve për pyetjet e kërkuara, neuronet e ndryshme (sinapset) aktivizohen dhe zhvillohet funksioni njohës si vëmendja, kujtesa dhe lidhjet logjike.
E gjithë kjo do të thotë që truri ynë stimulohet vazhdimisht dhe kjo jep efekt në vonesën e procesit të plakjes. efekti është pikërisht ai i vonesës në procesin e plakjes. Ekspertët e shëndetit mendor thonë se është shumë e nevojshme që disa minuta në ditë njerëzit të merren me ushtrime të tilla.
Mjekët italianë shpjegojnë se neuronet duhet të stimulohen vazhdimisht në mënyrë që truri të jetë gjithmonë aktiv dhe dëshmia shkencore e ndihmës së dhënë nga fjalëkryqet tregohet gjithashtu nga rezultatet e imazhit të rezonancës magnetike. Eksperimentet e kryera përmes ezheve kanë treguar se midis pacientëve me Alzheimer në të njëjtën moshë, humbja e aftësisë njohëse ndodh më ngadalë sesa tek njerëzit që kanë stërvitur trurin e tyre. Lojërat me enigma janë ndër mjetet që ndihmojnë në kundërveprimin ose zvogëlimin e efekteve të demencës pavarësisht nga niveli i arsimimit të njerëzve.
Fjalëkryqi nuk është vetëm një lojë që mban trurin e të rriturve në stërvitje, por edhe një metodë që, stimulon aftësitë e të mësuarit të të vegjëlve. Ngjashëm me atë që ndodh në shkollë, por pa asnjë detyrim për t'u ekzaminuar nga mësuesit, fëmijët aktivizojnë vëmendjen, kujtesën, logjikën dhe aftësinë e tyre arsyetuese. Sigurisht, përmbajtja e lojës duhet të jetë e përshtatshme për moshën e tyre. Dhe madje edhe grafika, me shkronja më të mëdha dhe ngjyra të përshtatshme, për të qenë një formë tërheqëse në nxitjen e kuriozitetit të tyre./Il Giornale/

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.