.png)
Ilaçet janë një gur themeli i mjekësisë, por ndonjëherë mjekët bëjnë gabime kur i përshkruajnë ato dhe pacientët nuk i marrin ato siç duhet.
Një mjet i ri i AI i zhvilluar në Universitetin e Oksfordit synon të trajtojë të dyja këto probleme. DrugGPT ofron një rrjet sigurie për mjekët kur ata përshkruajnë ilaçe dhe u jep atyre informacione që mund t'i ndihmojnë pacientët e tyre të kuptojnë më mirë pse dhe si t'i marrin ato.
Mjekët dhe profesionistët e tjerë të kujdesit shëndetësor që përshkruajnë ilave do të jenë në gjendje të marrin një opinion të dytë të menjëhershëm duke futur problemet e pacientëve në chatbot.
Pas kësaj, DrugGPT do të përgjigjet me një listë të barnave të rekomanduara, duke treguar edhe efektet e mundshme anësore.
“Një nga gjërat më të mira është se më pas shpjegon pse duhet marrë pikërisht ai medikament”, thotë David Clifton, ekipi i të cilit drejtoi projektin.
Ai do t'ju tregojë udhëzimet, hulumtimet dhe referencat, dhe pse rekomandon këtë ilaç të veçantë.
Disa mjekë përdorin tashmë chatbot gjenerues të AI si ChatGPT dhe Gemini i Google për të kontrolluar diagnozat e tyre dhe për të shkruar shënime mjekësore. Shoqatat ndërkombëtare mjekësore i kanë këshilluar më parë mjekët që të mos përdorin ato mjete, pjesërisht për shkak të rrezikut që chatbot të japë informacion të rremë.
Por Clifton dhe kolegët e tij thonë, në një hulumtim paraprak për efektivitetin e DrugGPT, se ai "arrin performanca konkurruese me ekspertët njerëzorë" në provimet e licencave mjekësore në SHBA.
Ai thotë se gjithsesi nuk duhet të lihet mënjanë njeriu, në asnjë rast dhe kushdo që do e përdorë DrugGPT, do i verifikojë përgjigjet më pas.
Hulumtime të tjera të publikuara nga British Medical Journal vlerësojnë se rreth 237 milionë gabime mjekimi bëhen çdo vit në Angli, që kushtojnë më shumë se 1700 jetë. Vetëm rreth 2% e gabimeve mund të rezultojnë në dëm serioz, thuhet në studim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
