Gazeta Si - Një plagosje me thikë ka ndodhur mbrëmjen e të hënës në rrugën “Kadri Roshi” në Tiranë, ku autori i dyshuar, me iniciale E.L., 32 vjeç, banues në kryeqytet u arrestua nga policia.
Ndërkohë, mësohet që i lënduari, një 34-vjeçar me iniciale V.B., banues në Tiranë, ndodhet në spital jashtë rrezikut për jetën.
Policia thotë se ngjarja ka ndodhur pas një konflikti dhe se autori akuzohet për veprën penale “plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.