.png)
Rikthehet sërish në Kuvend ligji për investimet strategjike. Në seancën e sotme plenare janë parashikuar që në rend dite për votim të jenë 5 ligjet e seancës së 7 marsit, votimi i të cilave u anulua nga Sekretariati i Etikës pas kërkesës së Rithemelimit. Shkak u bë mungesa e kuorumit për votimin e ligjeve.
Mes këtyre ligjeve është dhe ai për zgjatjen me 1 vit të afatit për ligjet për investimet strategjike, një çështje kjo që ka ndodhur debat. Nga ana tjetër deputetja e PD-së, Ina Zhupa ka kërkuar një interpelancë me ministren e Turizmit, Mirela Kumbaro sa i takon ligjit për zonat e mbrojtura.
Po ashtu duket se opozita ka rënë në dakordësi me maxhorancën për amnistinë penale. Bardhi deklaroi votën pro, ndërsa paraqiti edhe propozimet e Rithemelimit. Ai kërkoi që mes të dënuarve që do të përfitojnë nga amnistia të jene dhe protestuesit dhe të përjashtohen zyrtarët e dënuar nga GJKKO.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
