.png)
Gazeta Si – Peshëngritësi Briken Calja është shpallur kampion i Europës në stilin e shtytjes në kampionatin Europian të shtangës që po zhvillohet në Batumi të Gjeorgjisë.
Përpos kësaj, shtangisti kuqezi mori dhe medaljen e argjendtë në dy garësh në peshën 79 kg. Në stilin e shkëputjes, ai u rendit në vendin e katërt me 153 kg, provë që e realizoi në përpjekjen e parë, ndërsa në dy të tjerat, ai dështoi të ngrejë 157 kg.
Në stilin e shtytjes, Calja e nis jo mirë, duke dështuar të ngrejë 185 kg, peshë që e realizon në provën e dytë. Më pas, ai arrin të ngrejë edhe 187 kg, duke marrë medaljen e artë, ndërsa rivalët e tij dështuar të kalojnë në provat e para.
Në total, peshëngritësi shqiptar ngriti 340 kilogramë, duke fituar medaljen e argjendtë, vetëm 1 kilogram më pak se rusi Serobian, i cili m ori medaljen e artë.
Nuk shkoi mirë gara për Erkand Qerimaj, i cili garoi në të njëjtën kategori. Ai ngriti 152 kilogramë në shkëputje, ndërsa në shtytje nuk realizoi asnjë nga tre provat, duke mos u renditur në dygarësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje