Fillon me probleme Australian Open, turneu i parë i sezonit të tenisit. Tre javë nga fillimi, 47 lojtarë kanë përfunduar në izolim në Melbourne për 14 ditë, gjatë të cilave nuk do të jenë në gjendje të largohen nga hoteli dhe nuk do të jenë në gjendje të stërviten. Shumë emra të rëndësishëm (Nishikori, Tiafoe, Azarenka dhe Stephens), përfshirë italianin Fabio Fognini. Arsyeja për karantinën e papritur është sepse në dy nga 9 charter-at e drejtuar për në Australi janë zbuluar raste me Covid.
Në një moment të parë, dy pozitivë u gjetën në fluturimin charter nga Los Angeles në Melburn, me 24 lojtarë në bord – tani për tani janë shfaqur emrat e Tennys Sandgren, Victoria Azarenka, Lauren Davis, Kei Nishikori, Pablo Cuevas, Sloane Stephens, Guido Pella, Juan Ignacio Londero, Santi González dhe Artem Sitak. Organizatorët, më vonë, njoftuan se kishte edhe një pozitiv në fluturimin nga Abu Dhabi për në Melburn në 8.20, me 23 tenistë në fluturim. Kjo u njoftua nga organizatorët e turneut.
Australian Open pritet të fillojë në 8 shkurt, por në vend janë ndezur polemikat rreth rreziqeve të sjelljes së lojtarëve dhe anëtarëve të stafit (një mijë njerëz në total) nga zonat me infektim të lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
