Gazeta Si - Arrestohet një punonjës i policisë në Korçë, i akuzuar se shkaktoi një aksident rrugor në gjendje të dehur.
AMP thotë se bëhet fjalë për inspektorin me iniciale R.XH., 58 vjeç, me detyrë Trup Shërbimi në Stacionin e Policisë Kufitare Pustec, në Drejtorinë Vendore për Kufirin dhe Migracionin Korçë.
Një ditë më parë, rreth orës 17:25, duke drejtuar mjetin në rrugën nacionale Korçë-Bilisht, ai është përfshirë në aksident rrugor me dëme materiale, me një mjet tip furgon.
Nga testet e kryera në vendngjarje, ka rezultuar se punonjësi i policisë kishte konsumuar alkool tej normave të lejuara. AMP njofton se inspektori ishte duke shkuar për të marrë detyrën. Ai akuzohet për veprën penale “Drejtimi i automjeteve në mënyrë të parregullt”.
Materialet procedurale do t’i përcillen Prokurorisë Pranë Gjykatës së Shkallës së Parë të Juridiksionit të Përgjithshëm Korçë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.