.png)
Ish-zëvendëskryeministri Arben Ahmetaj nga arratia tha ndër të tjera gjatë një interviste për Syri Tv se Damian Gjiknuri u hoq nga detyra si sekretar i Përgjithshëm i Partisë Socialiste pasi kishte dalë në mbrojtje të tij.
“Damian Gjiknuri, një nga arsyet se pse nuk është Sekretar i Përgjithshëm është se i ka thënë Edi Ramës, që ajo që po ndodh me Ahmetaj është shkelje proceduriale nga ana e SPAK, së dyti është e gabuar. Kjo është arsye se pse ka ikur nga Sekretari i Përgjithshëm”, tha Ahmetaj.
I pyetur nga mediat, Damian Gjiknuri e mbylli këtë kapak kur tha se debati do të ishte objekt i librit të tij me kujtime.
“Shpjegimet e mia i kam dhënë atëherë. Kur të dal në pension politik do të shkruaj kujtimet e mia”, tha ai
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
