.png)
Nga Gazeta ‘Si’- Partia Demokratike e ka cilësuar sezonin turistik të këtij viti si një “verë të zezë” për Shqipërinë, duke akuzuar qeverinë për dështim në garantimin e sigurisë së qytetarëve dhe turistëve.
Në një deklaratë, PD rendit vrasjet, zjarret, shpërthimet me tritol dhe rastet e pasigurisë gjatë muajve të verës. Sipas saj, rasti i fundit është vrasja e një 20-vjeçari portugez, i cili ndodhej me pushime në Ksamil dhe do të kthehet në vendin e tij në arkëmort.
Demokratët e cilësojnë ngjarjen si një tjetër dëshmi të dështimit të Policisë së Shtetit në parandalimin e krimit. Sipas PD-së, policia është përqendruar te ndjekja e autorëve pas ngjarjeve, ndërsa ka dështuar në garantimin e rendit dhe sigurisë publike.
Partia Demokratike akuzon gjithashtu qeverinë se i kushton më shumë rëndësi publicitetit sesa sigurisë dhe deklaron se, nëse vjen në pushtet, do të zbatojë një Paketë Anti-Krim gjatë 100 ditëve të para të qeverisjes.
PD e cilëson vrasjen e turistit si “ditë zie për turizmin shqiptar”, duke theksuar se siguria publike kërkon seriozitet dhe masa konkrete, jo vetëm publicitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje