.png)
Nga Gazeta ‘Si’– Studimi, i bazuar në 89 intervista të kryera gjatë periudhës dhjetor 2024-janar 2026, thekson se një pjesë e noterëve nuk kufizohen vetëm në rolin e dëshmitarit neutral, por në disa raste shërbejnë si lehtësues të drejtpërdrejtë ose të tërthortë të pastrimit të parave. Një nga skemat më të përhapura, sipas raportit, është certifikimi i kontratave të huave në cash mes individëve, pa verifikim të origjinës së fondeve, të cilat më pas përdoren për të justifikuar paratë e futura në ekonomi si “borxh” i ligjshëm.
Raporti ngre gjithashtu shqetësime për tregun e pasurive të paluajtshme, ku noterët lejojnë kontrata me çmime të nënvlerësuara ose të fryra, duke krijuar hapësira për futjen e parave të padeklaruara dhe evazion fiskal.
Një tjetër problem i evidentuar është mungesa e verifikimit të pronarëve realë të kompanive dhe pasurive, duke lejuar përdorimin e personave të tretë si mbulesë për kapitalet reale.
GI-TOC kritikon gjithashtu mungesën e raportimit të transaksioneve të dyshimta dhe përdorimin e “sekretit profesional” si justifikim për mosbashkëpunim me autoritetet financiare.
Në këtë kontekst, raporti sjell si shembull edhe rajonin, ku numri i raportimeve të dyshimta nga noterët mbetet shumë i ulët krahasuar me volumin e madh të transaksioneve.
Në fund, raporti rekomandon masa më të forta kontrolli, përfshirë kufizimin e kompetencave të noterëve në transaksione me risk të lartë, rritjen e mbikëqyrjes, kontrolle të papritura dhe sanksione të ashpra, deri në heqjen e licencës dhe ndjekje penale për rastet e shkeljeve serioze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje