.png)
Nga Gazeta ‘SI’ – Qeveria shqiptare synon të krijojë një databazë me të dhëna për strehimin e shqiptarëve.
Sipas një dokumenti të propozuar nga ministria e Ekonomisë, një regjistër i tillë do të ndihmojë në pasqyrimin e situatës reale të strehimit në vend, nevojat e problematikat.
Sistemi do të ofrojë të dhënat parësore, si inventarin e banesave me qëllim strehimin social, numrin e familjeve të strehuara, sipërfaqet dhe trojet, kostot dhe siguri fizike të banesave.
Sistemi parashikon nivele të ndryshme aksesi për të garantuar sigurinë e të dhënave personale, por edhe transparencën. Qytetarët do të kenë mundësi të hyjnë në sistem si “lexues”, por edhe të dërgojnë pyetje apo komente drejtpërdrejt. Institucionet, ministria dhe Bashkitë do të kenë role si regjistrues, administratorë teknikë ose përdorues vetëm për raportim.
Ndonëse relacioni e përcakton projektin si domosdoshmëri, mbetet një paqartësi lidhur me faturën financiare. Relacioni pranon se kostot nuk mund të parashikohen në këtë fazë, pasi nevojitet ekspertiza teknike nga AKSHI për arkitekturën e softuerit dhe harduerit.
Ky projektvendim, thekson një urgjencë të shtuar të qeverisë për të vendosur nën kontroll menaxhimin e aseteve sociale dhe nevojave emergjente për strehim në nivel kombëtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje