.png)
Nga Gazeta ‘SI’ – Platforma e-Albania po përballet sërish me probleme teknike, duke penguar aksesin normal të qytetarëve dhe bizneseve në një sërë shërbimesh elektronike. Situata është raportuar gjatë ditës së premte, 17 prill, ku përdorues të shumtë kanë hasur vështirësi në përdorimin e sistemit.
Noterët tregojnë se nuk munden të kryejnë veprime duke i shkaktuar pengesa të shumta në procesin e punës, përballë edhe presionit të qytetarëve.
Nga ana tjetër edhe bizneset dëshmojnë pamundësi në lëshimin e faturave për shkak të mosfunksionimit të sistemit të fiskalizimit. Ky i fundit, i integruar në platformën e-Albania, është thelbësor për aktivitetin e përditshëm ekonomik. Bizneset raportojnë se shërbimi rikthehet përkohësisht për pak minuta dhe më pas ndërpritet sërish, duke krijuar pasiguri dhe pengesa në operacione.
Zyrtarisht, e-Albania njofton se disa shërbime të lidhura me pronën dhe Kadastrën janë po ashtu jashtë funksionit.
Deri në momentin e publikimit të këtij shkrimi, nuk ka një reagim zyrtar nga Agjencia Kombëtare e Informacionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje