.png)
Nga Gazeta ‘SI’- Transfertat e kriptomonedhave në Shqipëri nuk do të jenë më një kanal anonim, të paktën sipas propozimit të ri.
Një draft i ministrisë së Financës, parashikon që ofruesit e shërbimeve të kriptoaseteve të trajtohen njësoj si institucionet financiare tradicionale, me detyrime të plota për identifikim, monitorim dhe raportim të transaksioneve.
Një nga ndryshimet më të rëndësishme është detyrimi për gjurmueshmërinë e plotë të transfertave kripto. Çdo transaksion duhet të shoqërohet me informacion të detajuar për dërguesin dhe përfituesin, duke përfshirë të dhëna identifikuese dhe informacione mbi llogaritë përkatëse.
Në rastet kur informacioni i kërkuar mungon ose është i paplotë, ofruesit e shërbimeve janë të detyruar të mos e ekzekutojnë transaksionin, ose ta kthejnë atë mbrapsht. Një tjetër element i rëndësishëm është zgjerimi i kontrollit edhe mbi transfertat drejt portofolave privatë (self-hosted wallets). Institucionet financiare dhe ofruesit e shërbimeve kripto e kanë të ndaluar të mbajnë apo të lehtësojnë transaksione përmes mekanizmave që fshehin identitetin, siç janë “privacy coins” apo shërbimet e miksimit të transaksioneve
Në fund, projektligji parashikon sanksione të ashpra administrative dhe penalitete për subjektet që nuk zbatojnë këto rregulla, deri në 1 mln euro gjobë ose ndalim aktiviteti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje