.png)
Nga Gazeta ‘Si’- Brezi i të rinjve i njohur si Gen Z (12- 27 vjeçarët) po ndërton një lidhje të re me orët klasike, duke i bërë ato një nga aksesoret më të komentuar të modës për vitin 2026.
Gjërat nuk lidhen thjesht me matjen e kohës. Shumë prej tyre e shohin orën si një deklaratë stili, nostalgjie dhe lidhje me të kaluarën, në një botë ku teknologjia digjitale dominon çdo aspekt të jetës.
Për të rinjtë si Evan Fry, i moshës 22 vjeç, orët nuk janë vetëm pajisje funksionale, por objekte me vlerë kulturore dhe personale. Fry ka mbledhur mbi 35 orë luksoze nga modele më të përballueshme tek markat e klasit të lartë dhe i shfaq ato online, duke treguar se për shumë koleksionistë të rinj, ora është një mënyrë për të ndarë një histori personale dhe një stil unik, jo vetëm për të parë kohën.
Sipas të dhënave nga tregjet e orëve të dorës së dytë, Gen Z ka blerë më shumë orë klasike sesa çdo grup moshë tjetër në vitet e fundit – veçanërisht modele elegante dhe të hollë me shirit lëkure apo metali, që bien ndesh me trendin e smartëatch‑eve dhe teknologjive digjitale që dominojnë sot.
Ky interes për retro dhe vintage lidhet edhe me një kërkesë të gjerë të Gen Z për objekte “të prekshme”, të cilat ofrojnë një përvojë më reale sesa pajisjet digjitale.
Shumë të rinj ndjejnë njëfarë lodhjeje nga përdorimi konstant i ekranit, prandaj trendet e retro‑teknologjisë – nga aparatet fotografike të vjetra deri te orët – i japin atyre një ndjenjë lidhjeje me të kaluarën dhe një mënyrë për të shprehur identitetin personal mbi bazën e estetikës dhe historisë.
Gjithashtu, mënyra se si Gen Z konsumon modë dhe aksesore është ndikuar fuqishëm nga rrjetet sociale. Foto dhe video nga koleksionet personale, përzierja e stileve klasike me veshje moderne dhe rekomandimet e influencuesve kanë bërë që orët vintage të fitojnë një status trendi botëror, përtej funksionit të tyre praktik.
Rikthimi i orëve retro nuk është vetëm një rikujtim nostalgjik për një kohë pa smartfonë por është një shprehje stili që kombinon historinë, estetikën dhe një koncept më të gjerë të identitetit personal mes të rinjve të sotëm./CNN
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje