.png)
Nga Gazeta ‘Si‘- Gjatë mbledhjes në Komisionin për Çështjet e Brendshme ku po raportonte Drejtori i Përgjithshëm i Policisë së Shtetit, Ilir Proda ka ndodhur një incident mes drejtuesit të komisionit, Bledi Çuçi dhe deputetit të PD, Flamur Noka.
Nuk dihet se çfarë ndodhi, por dëgjohet që Çuçi t’i drejtohet Nokës duke i thënë “kë shef, kë shef…”.Më pas ka ndërprerë seancën dëgjimore.
Pas rifillimit, Çuçi lexoi rregulloren duke deklaruar përjashtimin e Flamur Nokës nga seanca dhe i kërkoi atij të lërë sallën.
“Ju përjashtoj nga seanca dëgjimore e komisionit për fyerje të kryetarit të Komisionit. Ju lutem lëreni mbledhjen, jeni i përjashtuar, sepse pengon punimet e seancës, fyen, kërcënon drejtuesin e seancës dhe drejtuesin e institucionit. Lëreni sallën të vazhdojë punimet.
Po vazhdove do t’i kërkoj parlamentit të kërkojë 10 ditë përjashtim. Lereni sallën, jeni i përjashtuar”, tha Çuçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
